Ducas 24:44 - El Nuevo Testamento en matsés

⁴⁴ Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Ducas 24:44 ပူးပေါင်းရင်းမြစ်များ

Mateo 1:22

Aden Nuquin Papabëd icquidën Esus tishte chiaid Nuquin Papan ambi oncamiaid Isayas naden chuiquin dada uamepampic:

Mateo 16:21

Adshumbic Esusën tauaquin abi uënës uamete abëd icquido naden chuipondash: Shubu dadpen icquid Edusaden yacno nidendabi. Amboshon nuquin matsesën ubi chieshënquiendac nëidtedshun. Nëidic nuquin matses tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedishun mëyanquioquin ubi uënës uamendac. Adoacsho chococac daëdec ushash uincuenendabi, quequin chuipondash.

Mateo 26:54

Nuquin Papan aden ubi cudasmiac bedtiapimbo icsho ¿Mitsi paden Nuquin Papan Chiaid chuiquin dada uamiampicpadombuen ubi aden bedpatsiash? capondash pateshunnianquid chuiquin.

Mateo 26:56

Bedenquio icbuedëmbi Nuquin Papan tantiacpadënquiobi mimbi ubi bedec. Aden ubi bedshun mëyante chuiquin Nuquin Papan oncamiaidon dada uampicpadombuembi mimbi ubi bedec, quequin chuinubini Esus abentsëqui nianec ubitedi niquepondac.

Madcos 9:31

Adec nidquin chuibanequi: Matsesën Tishaid icshobi ubi chieshënquidon ubi bedmendac. Aden bedshun meniac mëyanquin uënësuac daëdec ushash uincuenendabi, quepanëdash Esus.

Ducas 21:22

Aid uëshë icnuc Nuquin Papan ambi chuiquin dada uamiampicpadombuen cuidtequid iquendac.

Ducas 22:37

Nuquin Papan ubi nate chuiquin dada uamiampid nad iqueque. Tantia. Chuinu: Icsambocquid danquin icsambocquidbëta uënës uaindac, quepampic. Aden chuiquin dada uamiampicpadombuen nëbimbobi nainquin ubi uënës uamendac, quepanëdash Esus.

Ducas 24:46

Nuquin Papan chuiquin dada uamiampid nad iquec: Nuquin Papan Chomiaid Quidistu Mesias caidbidi matsesën mëyanquin uënës uaqui daëdec ushash uincuenendac, quequin chuipampic.

Ducas 9:22

Aden chiashic: Matsesën Tishaid icshobi natiamequin nëidtedishun ubi mëyanmendac. Nëidic isadaidbo tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedshun mëyanmequin uënës uamiaqui daëdec ushash uincuenendabi, quepanëdash Esus.

Ducas 9:44

Tantia. Chuinu. Bëshunenquio icquin bëdambuen tantiaquiota. Matsesën Tishaid icsho ubi chieshënquido ubi bedmendac, quepanëdash Esus.

Uanën dada uaid 3:14

Nuquin Papan chiacpaden shubu nibëdacnoshon: Ma nëid isec nisin piaid bëdannu, queshun nisibimbuecnuc shocosh nacnenaid Moisesën cuesten dectampampic. Adecbidi Matsesën Tishaid yec matses cuidmenquio icnuec ubided cuidadec abuc cueste napotiaidën dectamëdendabi.

Uanën dada uaid 5:39

Mibitedi nadpec. Nuquin Papan Chiaid nuquin tsusedpabon dada uampid tantiaquidquio nebi. Aid isbanquid yec Nuquin Papabëd ënëdenquio yec tabadtequid nebi, mibi quepec. Ma ubimbo chuiquin Nuquin Papan dada uamiampid neyoc.

Uanën dada uaid 5:46

Aidën dada uaquin Chiampid bëdambuen tantiaquimbien mibitedishun ubitsen tantiatsiac. Aidën Chiampidi mabi neyoc.

Hechos 13:33

Nëbien ambi chiampicpadombuen Nuquin Papan uincuenmiaid Esus nec. Aidi chuiquin Nuquin Papan dada uamiampid nad iqueque. Tantia. Chuinu. Cun Madombo mibi nec. Nëid uëshëmbi Min Papa nebi, quequin chuiquin dada uamepampic.

Hechos 13:40

Nuquin Papan Chomiaid choec, quequin chiaqui tsusedpabon tantienquio icampicpadquid iquenda. Aido chuiquin Nuquin Papan oncamiampidon dada uampid nad iquec:

Hechos 2:27

Ënenquio icquin umbi chiacpadombuen naquidquio nec, queshun mimbi ubi uënës uacsho cun dada chodcamenquio icquin ubi uincuenmendac.

Hechos 3:18

Adote chuiquin Nuquin Papan: Umbi Chomiaid Quidistu Mesias caid matsesën uënës uaendac, quequin ambi oncamiaidtedi Nuquin Papan dada uamiampicpadembi napondash.

Hechos 7:37

Aidëmbi naden isadaidbo chuipampic: Iuecquio icshun ubipadquid min madon baban tsiuecquido caidaido abentsëc Nuquin Papan oncamiaidquio iquendac, quequin Moisesën chuipampic.

Ebedeo 10:1

Moises Nuquin Papan: Naden nata, quequin chiampid naden bëdiactsëc tantiamete nepanëdash. Nuquin Papan matses bëdambuen ismetequidquio chomendac, quequin chiaid tantiamete nepanëdash. Adquid icnubi setan setanquien Nuquin Papan Moises chiampicpaden nuquin matsesën Nuquin Papa bëdambuen ismenuen nëish iua dadpen cuessunneshun pichicadennepampic. Aden nabanaidën Nuquin Papa tantiate bunquido nuquin matses: Nëbi icsambuen naisa nebi, quetiapimbo icpampic.

Ebedeo 3:5

Adquid icquin Nuquin Papan namiac aton iuambo Moises Ambi cun matses caido nashunquidquio icpampic. Adembidi Nuquin Papan ambi chuite tantiamequin oncamiac nuquin matses Nuquin Papan nate chuibampampic.

Ebedeo 7:1

Medquisedec shubu dadpen icquid Saden yacnocquidon chuiquid tapa nepampic. Aidi Nuquin Papa abitedishun Icbombo icsho matses bëdambuen ismenuen nëish iua cuessunneshun pichicadednequid nepampic. Adquid icnubi Abadauanën aton utsin mado Dod cuëmëdquid matses utsibon bedshun buansho tsibananshun chuiquid tapabobëta aton sondado cuessun secatanquin aidon bedaid aton utsin mado bedpampic. Adtanec chosho bëquedshun Medquisedequën: Ma Nuquin Papan mibi bëdambuen ispanu, quequin Abadauan chuipampic.

Ebedeo 9:8

Aden chiaid Nuquin Papan Mayan Bëdan tantiamiac: Nuquin Papa tabadte shubumpi nidaidën icquid quënë bëdambocquid abi icnuc matses abitedi quënë bëdamboshëcquid Nuquin Papa yacnombo puduedte nibëdtsiash, quequin nuqui tantiec.

Petedo 1 1:11

Esuquidistu choabi icnuc Aidën Mayanën tantiamiac aidon naden chuipampic: Nidaidën choacsho matsesën chieshënquin natiamequin uënës uaindac. Aden uënës uacsho uincuenmiac bëdamboshëcquid yec abitedishun Icbombo icuaindac, quequin Esusën nate chuipampic. Aden chuiquin: ¿Tedtsi yash chopec? ¿Mitsiuëshquio chopec? quequin tantiate bunquiopampic.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.