Ducas 23:53 - El Nuevo Testamento en matsés

⁵³ Aden chiaquien Pidaton: Adotan, cac nidshun Esusën dada imbudshun dashcute bëdamboshëcquidën dataneshun badedquio buanshun macuësh tapa tsimpiduc cuënote shëcuë uaquin ambi nacnenmiaid utsi chococacmaidënquio Osen Esusën dada chococapanëdash.

Ducas 23:53 ပူးပေါင်းရင်းမြစ်များ

Madcos 15:46

Adoac nidshun Osen piucquid menequin uënësaid chococanun dabidicate dashcute cuëshë bëdamboshëcquid bedshun Esusën dada imbudshun dataneshun buampanëdash. Adoshombic macuësh tapa cuënote shëcuë uaquin ambi ënden nacnenmiaidën nauedshun cuënote dapan bëtashpanëdash.

Ducas 23:52

Adquid icquin Esusën dada bedshun chococate bunquin Pidato yacno nidshun ambi tantiacpaden Osen chuipanëdash.

Ducas 23:54

Inchëshbudtsëqui 6 yannuc: Chonoadtemaid uëshë yanec, queshun Esusën dada Osen aden chococapanëdash.

Uanën dada uaid 19:41

Adoshon: Badiadash chonoadtemaid uëshë iquec. Aid uëshën uënësaid chococac icsambo ictsiashe. Badedquio chococanuna, queshun Esus cueste napotiaidën dectanaid anoentsëqui tied icquid yacno Esusën dada buampanëdash. Buanshumbic cuënote dapa shëcuë uaid chucan matses chococabi icquidën Esusën dada nauedpanëdash. Aden nauedtanquin cuënote dapan bëtimpanëdash.

Hechos 13:29

Adoaquien Nuquin Papan chuiquin dada uamiampicpaden nabanquin nainacsho Esus cueste napotiaidën dectanquin uënës uamiacsho chicshun cuënote shëcuë chucanquio Esus nauedpanëdash.