Ducas 23:4 - El Nuevo Testamento en matsés

⁴ Adsho tantiash: ¿Atotsi icsambuen nacshoembi cuidpe? Ambi icsambuen naid nibëdec, quepanëdash Pidato nëish iua cuessunneshun pichicaquidon chuiquidobëta chuiquid utsibo chiec.

Ducas 23:4 ပူးပေါင်းရင်းမြစ်များ

Mateo 27:19

Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.

Madcos 15:14

Adoaquien Pidaton: ¿Atotsi icsambuen nasho mimbi adope? caquien buëdanquiec cuëdcuededec: Cueste napotiaidën dectanme, quecuededuapanëdash.

Ducas 23:22

Adec cuëdcuededsho tantiashun padpidembuen: ¿Atotsi queshun: Cueste napotiaidën dectanme, cai? ¿Atotsi icsambuen nasho issun mimbi aden chuipe? Ma aidën icsambuen naid nibëdquio icpayoc. Adquid icsho cacuesquin mëyanmeshun Esus nidmembi, capanëdash Pidaton.

Uanën dada uaid 18:38

Adsho tantiash Pidato: ¿Tsuntsin abimbo tantiaquin chuipatsiash? quetanec puduenshun Esus bëquido isadaidbo naden chuiuapanëdash: Mambi Esusën icsambuen naid istuidambo icpaboc, quepanëdash.

Hechos 25:25

Aden chuisho tantiashun Pabado ambi naid chuimeuapombi. Aden chuisho tantiashun ambi icsambuen naid nibëdnuc: Nëid cuessunnetiapimbo iquebi, quequin tantiapombi. Aden umbi tantianubi: Empedadod yacno nidshun umbi naid chuite bunebi, quequin Pabadon chuiposhi. Adoac Doma yacno buanmembi.

Hechos 3:13

Aidi Abadauan yec Isac yec Acobo yec nuquin tsusedpabo yec quequidon Papa campidën naid nec. Aidëmbi ambi nidaidën chomiaid icsho Esus nëbi abitedishun Icbombo icmiac Nuquin Papan dayun tabaduaic. Aidi Aton Papa yacno nidabicsho bedmeshun Pidato meniaquien: Nëid dada icsambuen naisa neque. Nidmenu, quequin tantiaquin Pidaton chiaqui: Icsambocquid neque. Uënës uamequimbien ictiad, quequin mibitedishun chuipondac.

Ebedeo 7:26

Aden nuqui bëdambuen ismequid chuiquid tapa uënësenquio ictequid Esus adquid yanan nuqui bëdamboshë iquec. Aidi bëdamboshëcquid icquin icsambuen naisambo nec. Matses icsambuen naquido nibëdacno Nuquin Papa yacnoshon abitedishun: Cun Icbombo yec mibi bëdamboshëcquid nec, capec.

Petedo 1 1:19

Esuquidistu icsaisambo icshobi chieshënquin nëish iua obeca bëdambocquid cuessunniacbimbuec matses abitedi cuidmenquio icnuec cueste napotiaidën dectanac abided cuidadec intac chididiquec uënësaidquio mibitedi tantiamepanëdash.

Petedo 1 2:22

Esuquidistu muesambo yec icsambuen naisambo nepondash.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.