Ducas 23:38 - El Nuevo Testamento en matsés

³⁸ Adshumbic abi dectanaid cueste napotiaidën Esusën mapi abuctsëc: Nëid isadaidbon chuiquid tapa nec, quequin cueste pada uaidën dada uashun dectanaid icpanëdash.

Ducas 23:38 ပူးပေါင်းရင်းမြစ်များ

Mateo 2:2

ambocquido naden chuituidpanëdash: Min matses isadaidbon chuiquid tapa ictequidquio nëbi tishtsaidëmpi ¿midambo ictseque? Isnu. Aid tishaid tantiamete uispa ubitedishun isombique. ¿Mitsimbo ictseque? Isnu. Aidi chuiquid tapa bëdamboshë ictequidquio nec, quiash aid isnuec chopobi, quetuidpanëdash uispa isquin tantiaquido.

Mateo 27:11

Adnubien chuiquid tapa cobednadod Pidaton abi yacno Esus bëacsho naden chuipanëdash: ¿Min matses isadaidbon chuiquid tapamboda mibi nepe? caquien Esusën: Mimbi chiacpadquid nebi, capanëdash.

Mateo 27:37

Adshumbic: Nadquid icsho cuidquin cuessunniac, quequin ma isquidon tantianu, queshun cueste pada uaidën naden chuiquin dada uapanëdash: Nëidquio Esus nec. Isadaidbon chuiquid tapambo nec, quequin dada uaid Esusën mapi abuctsëc dectampanëdash.

Madcos 15:18

Adshumbic chuiquid tapa cuënacbimbuen cuënquin: Mibi isash bëdambo iquebi, isadaidbon chuiquid tapa, quequin Esus oncaquin mamënshumbededpanëdash sondadon.

Madcos 15:26

Esus dectanaid mapino: Isadaidbon chuiquid tapa icsho cuidaid nec, quequin cueste pada uaidën dada uaid diadpanëdash.

Madcos 15:32

Quidistu Nuquin Papan Chomiaid isadaidbon chuiquid tapa nebi, quebued yec mibibi bud. Adec budacsho issun: Quidistu nec. Mesias, quequin tantiendambi, quepanëdash. Aden aidon chuinubi abëta dectanaidon adembidi icsambuen chuishunuapanëdash.

Ducas 23:3

Adoaquien Pidaton: ¿Isadaidbon chuiquid tapada ne? capanëdash. Adoaquien: Ma mimbibi chuipayoc, capanëdash Esusën.

Uanën dada uaid 19:3

Aden dasiuintanquin sondadon mamënshunquin: Mibi isash bëdambo iquebi, isadaidbon chuiquid tapa, quequin chuitanquin mëdanten Esus tancuesbannepanëdash.