Ducas 23:31 - El Nuevo Testamento en matsés

³¹ Adec mibi mëyadtequid uëshë choendac. Aden tantiesa mibi icpec. Ubi cuidenquioctiadquidëmbi ubi icsaisa icshobi mëyanquioquin uënës uasho issun ¿Nuquin Papan cumapenquien cuidenquioda icpec? Ai, cuidec, quequin tantiata, quepanëdash Esus.

Ducas 23:31 ပူးပေါင်းရင်းမြစ်များ

Mateo 3:12

Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo icsho ënëdenquio yec chian annëdënquequid Nuquin Papan nësecaindac. Adoshombic abi tantiaquidotedi abi yacno puduedmendac, quepanëdash Uan acten mentoanquid.

Ducas 23:30

Mëyadtequid uëshë icnuc natiamequin mëyanaqui matsesën naden chiendac: Natiamianquieque. Macuësh tapa paëdmequin ubitedi catashmequin ompota, mibi quendac. Adecbidi acte quiusudquid abucquiocquid ubi ompoquin masecameta, utsi queuaindac.

Ducas 23:32

Adembidi Esusbëta dectannun icsambocquid dada daëd buanquimbi

Uanën dada uaid 15:6

Uba icbon cuidi utsi utsiec bacuëesa icsho pateshun tsindoshon tanunacsho nëdëncaquid. Adoacbimbuen ubi tantienquio yanec ubëd cuëshëdshun utsibo ubi tantiamenquio icsho Nuquin Papan icsambuen naquido cuidacno nësecaindac, quepondash Esus.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.