Ducas 23:22 - El Nuevo Testamento en matsés

²² Adec cuëdcuededsho tantiashun padpidembuen: ¿Atotsi queshun: Cueste napotiaidën dectanme, cai? ¿Atotsi icsambuen nasho issun mimbi aden chuipe? Ma aidën icsambuen naid nibëdquio icpayoc. Adquid icsho cacuesquin mëyanmeshun Esus nidmembi, capanëdash Pidaton.

Ducas 23:22 ပူးပေါင်းရင်းမြစ်များ

Ducas 23:14

Esus ismequin Pidaton naden chuipanëdash: Nëid dada bëshun: Cun matses cuesnantiadpambo icnuc cuëdnanmec icsambuen namianquid nec, quequin mimbi ubi chuipoc. Adoac mibitedishun tantianubi aidbëd onqueshun: Icsamianquidpenquio nec, quequin tantiembi.

Ducas 23:16

Aden tantiaquin cacuesquin mëyanmeshun nidmembi, quepanëdash isadaidbo chiec.

Ducas 23:20

Adec isadaidbo cuëdcuededsho tantiash Esus nidmete bunec: Esus cuidenquioctiadquidi nec, quepanëdash Pidato isadaidbo padpiden chiec.

Ducas 23:21

Adoaquien cumapenec cuëdcuededuaquin: Cueste napotiaidën dectanme. Cueste napotiaidën dectanme, cabededpanëdash isadaidbon.

Ducas 23:23

Adoaquien cumapenec cuëdcuededuaic: Cueste napotiaidën dectanquin uënës uame, cabededpanëdash. Adsho tantiashun Pidaton: Ai, capanëdash.

Ducas 23:4

Adsho tantiash: ¿Atotsi icsambuen nacshoembi cuidpe? Ambi icsambuen naid nibëdec, quepanëdash Pidato nëish iua cuessunneshun pichicaquidon chuiquidobëta chuiquid utsibo chiec.

Petedo 1 1:19

Esuquidistu icsaisambo icshobi chieshënquin nëish iua obeca bëdambocquid cuessunniacbimbuec matses abitedi cuidmenquio icnuec cueste napotiaidën dectanac abided cuidadec intac chididiquec uënësaidquio mibitedi tantiamepanëdash.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.