Ducas 23:2 - El Nuevo Testamento en matsés

² Aden Pidato yacno Esus bëec choash nadpanëdash: Nëidën chuibambued tantiashun: Icsambuen namianquid nec, quequin tantiaquin mibi yacno bëombi. Adquid icquin chuiquid tapa Sesadën: Piucquid tsasicquidëmpi bec cho, cac: Menenda, quiosh. Aidbidi: Isadaidbon chuiquid tapa Quidistu nebi, quiosh, quepanëdash isadaidbon chuiquido Pidato chiec.

Ducas 23:2 ပူးပေါင်းရင်းမြစ်များ

Mateo 17:27

Aden tantiaquimbi: Nëishnushe, queshun menenun chianën ansemetan. Bëyucquio mimbi nuëcquid ansemiaid ancanshun anisquin shocosh nacnenaid piucquid abentsëc mimbi istuidendac. Aid bedshun piucquid bedshumënquido menetanta. Në cun icbonabëdi cuna nec, quequin menetanta, capondash Esusën. Adoac Petedon Esusën chiacpadombuen bedtanquin piucquid menetampanëdash.

Mateo 22:21

Adoaquien: Ma nuqui iuaquid chuiquid tapambo Sesad neyoc, quepondash. Adsho tantiashumbien Esusën: Ai, aidëna neque. Aid: Bec cho, quesho meneta. Adembidi Nuquin Papa Nuquin Icbombo icquin: Naden nata, cacpadombuen nabanta, quequin Esusën chuipondash.

Mateo 27:11

Adnubien chuiquid tapa cobednadod Pidaton abi yacno Esus bëacsho naden chuipanëdash: ¿Min matses isadaidbon chuiquid tapamboda mibi nepe? caquien Esusën: Mimbi chiacpadquid nebi, capanëdash.

Madcos 12:17

Adsho tantiashumbien: Ai, aidëna neque. Aid: Bec cho, quesho meneta. Adembidi Nuquin Papa Nuquin Icbombo icquin: Naden nata, cac aidën chiacpadombuen nabanta, capanëdash Esusën. Aden chuisho tantiash tantiadempambo yec tabadec: Bëdambuembien chuipec, quec tabadcuededpanëdash.

Madcos 15:2

Aden meniac: ¿Isadaidbon chuiquid tapada ne? capanëdash Pidaton Esus chuiquin. Adoaquien: Mimbi chiacpadquid nebi, capanëdash Esusën.

Ducas 23:14

Esus ismequin Pidaton naden chuipanëdash: Nëid dada bëshun: Cun matses cuesnantiadpambo icnuc cuëdnanmec icsambuen namianquid nec, quequin mimbi ubi chuipoc. Adoac mibitedishun tantianubi aidbëd onqueshun: Icsamianquidpenquio nec, quequin tantiembi.

Ducas 23:5

Adoaquien: Aidën chuibanac nëbi nidaid cuëshë Cadidea yacnocquido nëishash cumapenec cuëdcuededosh. Amboshon chuibanshumbic nëid nidaid cuëshë Udea yacno choshon adombuembidi chuibanuaposh, quepanëdash isadaidbon chuiquido Pidato chiec.

Uanën dada uaid 18:29

Adec puduedenquio icsho issun cobednadod Pidato cuëmëdquidën aton shubunuësh puduentanquin Esus bëquido naden chuipanëdash: ¿Atotsi icsambuen nasho nëid dada bëo? capanëdash.

Uanën dada uaid 18:30

Adoaquien bëquidon: Bëdambocquid icsho mibi ismenuen aden bëenquio ictsenombi, quepanëdash cun matsesën chuiquido.

Uanën dada uaid 19:12

Adsho tantiashien Pidato: Esus uënës uametiapimbo icchitebi. Nidmetiadquio iquebi, quetanquin padpiden Esus bëquido naden chuiuapanëdash: Esus nidmenu, caquien cun matses isadaidbo cumapenec cuëdcuededec: Icsambo iquec. Min matses abitedishun chuiquid tapambo Sesad caid: Ubentsëqui chuiquid tapambo nebi, quiac caosh. Aid dëniaquec Esus chuiquid tapa icte bunquiec. Esus nidmequin min chuiquid tapambo mimbi nëishmeque. Esus cueste napotiaidën dectanquin uënës uame, quecuededpanëdash.

Hechos 24:13

Pabadon icsambuen naosh, quequin Tedtudon umbi naid chuibambued: Abimbo caic, quetiapimbo utsibo iquec.

Hechos 24:5

Nëid dada mimbi bëmebued icsambocquid nec. Adquid iquec Nasaded yacno iccondaid tantiaquidon chuiquid nec. Aidëmbi nidaid utsi utsiec yacno nidshun ambi tantiaid chuibanquin isadaidbo cumapenen chushcananmequin cuëdcuededmiac cuëshëdcuededpac caosh.

Doma 13:7

Chuiquid tapan: Piucquid bec cho. Nacnenmenu, cacpadombuen aidën chiactedi meneta. Min chuiquidon chiacpadombuen naquin bëdambuen ista.