Ducas 22:42 - El Nuevo Testamento en matsés

⁴² Papa, ¿ada ubi natiamequin mëyadmenquio ictsia? Ubi bunacpaden namenquiocquimbi mibi bunacpadombuen nameta, Papa, quepanëdash Esus Nuquin Papa chiec.

Ducas 22:42 ပူးပေါင်းရင်းမြစ်များ

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Mateo 11:26

Aden mibi bunacpadombuen mimbi bëdambuen naic. Adquid yec mibi bëdamboshë iquec, Papa, quequin chuipondash Esusën.

Mateo 20:22

Adoaquien: Umbi naid tantienquio icquin mimbi chuipec, quequin Uanën tita chuitanquin Uambëta Santiaco Esusën chuipondash: ¿Ada ubi mëyadacpadquiecbidi mëyadtsia? ¿Ada ubi uënësacpadec uënëstsia? ¿Ada chieshtoenquio ictsia? caquien abidaëdi: Ai, chieshtoenquio ictsiabi. Mibëd mëyadtsiabi, quepondash.

Mateo 26:39

Aden chianec udictsëc nidash dannëshën tinquebudec nidaidën bëccuësquebudquin Nuquin Papa chiec: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nata, Papa, quepanëdash Esus.

Mateo 26:42

Aden chuitanec ambi Nuquin Papa chuibocno padpidec niduashun Nuquin Papa chuiuaic: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nameta, quetanec

Mateo 26:44

Adsho istanec padpidembuec niduashun ambi chuibocpadombuembidi Esusën Nuquin Papa chuiuapanëdash.

Mateo 6:10

Mibi abentsëcquiobi Cun Icbombo nec, queshun mibi yacnoshon mibëd icquidonquio mimbi chiacpadombuenuidi naic. Adombuembidi nidaidënshun matses abitedishunquio ma mibi tantiaquin napanuna, Papa.

Madcos 14:36

Aden chiashic: Papa, Papa, mimbi natiapimbo ictequid nibëdec. Adquid icquin ubi bunacpaden ubi mëyante nibëdmiac bëdambo ictsiash. Ubi bunacpadombuen nainquiocquin mimbi tantiacpadombuen nameta, Papa, quepanëdash Esus.

Ducas 23:34

Adoac diadequi Esus nadpanëdash: Papa, ubi uënës uanuequidon tantienquio icquin cueste napotiaidën dectanoshibique. Nëidon icsambuen naid tantienquio yec bëshunta, quequin Nuquin Papa chuipanëdash. Adnubic: Esusën dashcute bednu, quequin sondadobon abi cuëmëdquidtedi dada uashun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Uanën dada uaid 18:11

Aden pateshunnesho istanquimbien Esusën: Padi, Petedo. Min chështe aucbidi tsiusud. Cun Pan chiacpadec ¿natiamboshë icmiac uënësenquiodabi ique? quepondash Esus.

Uanën dada uaid 4:34

Adsho tantiash Esus: Ubi cuishoncamete petebimbuecquid utsi iquec. Ubi chomiondaid Nuquin Papan chiacpadombuen naic bëdambo iquebi. Ambi chiaidtedi chonoadquin nainnuec nebi, quepondash.

Uanën dada uaid 5:30

Umbentsëqui natiapimbo iquebi. Cun Pan chiacpadombuen naquin matses cuidte chiendambi. Matsesën naidtedi tantiaquidquio icquin abimbo chiendambi. Umbi tantiacpaden nainquio icquin ubi chomiondaid Cun Pan chiacpadombuen naindambi, quepondash Esus.

Uanën dada uaid 6:38

¿Umbi tantiacpadombuen nanuectabi abucuësh chodionda? Padenquio. Ubi chomequid Cun Pan chiacpadombuen nanuec mabi aid yacnouësh chondac.

Hechos 21:14

Aden: Nidenda, caqui niacbidanec: Edusaden yacno nidebi, queuapondash Pabado. Adec: Nidebi, quesho tantiashun: Ma Nuquin Icbon tantiacpadec nidshun chuibannu, capondambi ubitedishun.