Ducas 22:37 - El Nuevo Testamento en matsés

³⁷ Nuquin Papan ubi nate chuiquin dada uamiampid nad iqueque. Tantia. Chuinu: Icsambocquid danquin icsambocquidbëta uënës uaindac, quepampic. Aden chuiquin dada uamiampicpadombuen nëbimbobi nainquin ubi uënës uamendac, quepanëdash Esus.

Ducas 22:37 ပူးပေါင်းရင်းမြစ်များ

Madcos 15:27

Cuesanquid yec ampequid daëd ëquë dectambudcuenquin dectantanquin nënantanquio Esus dectampanëdash.

Madcos 15:28

Icsambocquidbëta dectanendac, quequin Nuquin Papan chiampicpadembi napanëdash.

Ducas 18:31

Adashic abëd icquido 12tedtsëqui uanno buanash: Edusaden yacno nëbi nuquitedi nidnu nid. Ambo nidacsho Nuquin Papan oncamiaidon dada uaquin chiampicpadombuen Matsesën Tishaid icsho bedshun mëyanmendac.

Ducas 22:22

Matsesën Tishaid icshobini Nuquin Papan tantiacpadembi bedmendac. Aden ubi chieshënquin bedmequid cumapenen cuidtequidquio nendac. Aidi aton titan tishenquio icpatecnëdan, quepanëdash Esus.

Ducas 22:36

Adoaquien: Ënden adquid buanenda, quequin mibitedi chiondaidi nëbi: Ubi nibëdnuc min piucquidbëta shictoadte buanta. Chështe nibëdquid bednu, queshun min piucquid nibëdnuc min dashcute abentsëc menequin chështe bednun adembidi buanta.

Ducas 22:52

Adoshombic Nuquin Papa ismequin nëish iua cuessunneshun pichicaquidon chuiquido yec Nuquin Papa tabadte shubu dapa yacnoshon namequido yec tsësiobo yec quec chochoacsho issun: ¿Ampec cuesanquid Esus nec, queshunda cuestebëta chështe sanambededtsëcquiec ubi bedec chocho?

Ducas 23:32

Adembidi Esusbëta dectannun icsambocquid dada daëd buanquimbi

Ducas 24:27

Adshumbic abi natequid chuibanquin Moisesën dada uampidbëtabi Nuquin Papan oncamiaidon dada uampidtedi tantiamequin Esusën chuibampanëdash.

Uanën dada uaid 10:35

Ambi chiaid chuibanquido matses caic: Ubibimbuecquid mibi nec, quequin Nuquin Papan Chiampid issun: Nuquin Papan icsambuen chiac, quequin mimbi chushcambo iquec. Nuquin Papa adoambobida ¿ubi chushcai?

Uanën dada uaid 17:4

Mimbi chiacpadombuen naquin nëbimbobi nidaidënshun nainembi. Umbi adoacsho isash matses: Abi namequid Nuquin Papa bëdamboshëcquid yec abitedishun Icbombo nec, quendac.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.

Cadasia 3:13

Abitedishun Moisesën chiampiduidi natiapimbo yec icsambuec tabadsho isash abided cuidadec uënësquin Esuquidistun nuquitedi icsambuen naid bedshunquin bëdambo icmepondash. Naden chuiquin Nuquin Papan dada uamiampid iquec: Cueste napotiaidën dectanmiaid Nuquin Papan cuidaidquio nec, quequin dada uamepampic.