Ducas 22:32 - El Nuevo Testamento en matsés

³² Aden mibitedi Mayan Icsa Satanasën iuatiadquio iquec, quequin tantiaquin Nuquin Papa naden chiombi: Simon ubëd icquidquio neque. Mayan Icsa Satanasën iua yannushe. Aidën: Nuquin Papan Chiaid niac niacmenu, casho adomenda, Papa, quequin chiombi. Adec ubëd icbuedi cuëshëdtsembosh chouashun padpidec cuëshëdenquio icquin cumapenen ubi tantiaquin ubëd icquid utsibo adombuembidi cuëshëdenquio icnuc cumapenen ubi tantiameta, capanëdash Esusën Petedo chuiquin.

Ducas 22:32 ပူးပေါင်းရင်းမြစ်များ

Mateo 18:3

Tantia. Mibitedi abimbo chuinu. Mimbi tantiacpadenuidi naic tabadbuedi nadquid bacuën amën chiacpadombuen nacbimbuen ubi tantiaquiota. Mimbi adoenquio icshoembi Nuquin Papan namiacno mibi puduedmenquio iquendac.

Mateo 26:75

Adsho tantiashumbien Petedon Esusën chuibuedquio tantiactampanëdash. Cachina cuëdabi icnuc ubi caic: Umbi isacmaid nec, quequin 3teden mimbi chiendac, quequin Esusën chuibuedquio tantiatanec umanuc puduenanec nidec uënësquioshë yec natiaquiec shubiquiopanëdash.

Madcos 14:72

Adnubien cachina padpidec cuëdpanëdash. Adsho tantiashun: Cachina daëdec cuëdabicnuc: Umbi isacmaidquio Esus nec, quequin mimbi 3teden chiendac, quequin Esusën chioshi, quequin tantiactanec uënësquio yanec shubianquiopanëdash Petedo.

Madcos 16:7

Abëd icquido naden chiec nid: Nidaid Cadidea yacno abia nidshun mibi cainec. Ashunquio mimbi Esus isendac, quequin Esusbëd icquid utsibobëta Petedo chuituidec nid, quepanëdash chidobo chiec.

Ducas 8:13

Pete ëshë utsi cuënote dadpen samëdacno paëdaidbimbuecquid nad iquec. Nuquin Papan Chiaid chuibansho tantiash: Tantiabenombi, quiash cuishonquendac. Adbuedi aton tapun nibëdquio yacbimbuec chieshtomiantequid utsi utsiec icnuc bëdambuen tantienquio icquin Nuquin Papa tantienquio yanendac.

Uanën dada uaid 14:19

Nëbi iuecpactsëcshun ubi nidacsho ubi tantiesabon ubi isenquio icnubi mibitedishun ubi uincuenacsho isendac. Adec uincuenaid icquin mibi uënësacsho uincuenmendambi.

Hechos 3:19

Nëbi mimbi icsambuen naid ënshun Nuquin Papa tantiata. Ma mimbi icsambuen naidtedi tantienquio yec bëshumpanu.

Doma 8:32

Nuquin Papan nuqui tantiaquin aton Madombo cudasenquio icquin nuqui cuidmenquio icnuen aton Madoded cuidmequin uënës uamepanëdash. Adshumbic aid tantiasho nuqui bëdambuen isquin uënësacsho Aton Madobëd tabadmequin abitedi menendac.

Doma 8:34

Adquid icshoda ¿Utsibon: Aido natiamequin cuidquin Nuquin Papa nibëdacno nidmenu, queshunda naic? Padenquio. Esuquidistu abided cuidadec uënësacsho uincuenmepanëdash. Aidëmbi nëbi Nuquin Papan dayun abiucquio tsadquin nuquitedi tantiaquin: Aid bëdambuen ista, quequin Nuquin Papa chiannec.

Timoteo 2 2:18

Aidon Nuquin Papan Chiaidquio chienquio icquin muaquin chiec: Uënësabi icquin Esus tantiaquido yequi uincuenaidquio nuqui nec, quequin muaquin chuisho tantiashun utsin utsinquien Nuquin Icbon Chiaidquio tantienquio yanendac.

Tito 1:1

Pabado nebi. Nuquin Papan namiaidquio nebi. Adembidi Esuquidistun: Ubi chuibenneta, caid nebi. Nuquin Papan: Nëido cun matses nendac, caido yec Esuquidistu tantiaquidombo ma icpanuna. Adquid yec ma Nuquin Papan chiacpadec bëdambuec tabadpanuna, quequin chuibanec nebi.

Ebedeo 12:15

Nuquin Papan bëdambuen isaid icquimbi chieshtoshon icsambuen nasho issun: Mibi icsambuec tabadeque. Adec tabadquin ismequin cute podo icsa chodcashun acmiacbimbuen mimbi utsibo icsambuen nametsiaque. Padi. Aden naic tabadenda, quequin chuiban.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.

Petedo 1 1:1

Petedo nebi. Esuquidistun: Ubi chuibenneta, caidquio nebi. Esus tantiaquido icquin mimbi iste dada uanu. Isadaidbo icsho nuquin nidaidënshun ënden cuenmenëdac maismaisnëdash nëidtedi nidaid cuëshë yacno mibitedi tabadec. Nëidic Ponto yacno. Utsibic Cadasia yacno. Utsibic Capadosia yacno. Utsibic Asia yacno. Utsibic Bitinia yacno quec tabadec. Aidtedi yacno tabadquidon iste nëid dada uaic nebi.

Petedo 1 1:13

Aden umbi chuibued tantiashun Esus tantiaquido icquin bëdambuen chiaidquio tantiata. Mibi icsate bunacpadec icsainquio yec tabadta. Nuquin Papa bëdamboshëcquid icquin abi yacno tabadmenuen: Bedtan, cac Esuquidistun chouashun abi tantiaquido beduanendac, quequin ënenquio icquin tantiata.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Petedo 2 3:14

Tantia, cun utsibo. Umbi tantiaido icsho mibitedi chuinu. Choshon abi yacno buanshun Esusën nuqui abëdi tabadmendac, quiash chieshtoenquio iquec bëdambuec tabadta. Choshon Esusën: Mibi icsambocquid nec, canushe. Nuquin Papan Chiaid niaquenquio yec tabadta.

Uan 1 2:19

Esuquidistu chieshënquido nuquibëd iccuededbuedi ënden nidanniac. Adquido yec nuquibëd icte bunenquiocquido nec. Esus tantiaquid iquec nuquibëd cuëshëdenquio ictsenosh. Adsho issun: Nuquibëd iccuededquid abitedi Esus tantiaquid nec, catiapimbo nuqui iquec.