Ducas 21:7 - El Nuevo Testamento en matsés

⁷ Adoaquien: Icbo ¿Tedectsicshun Nuquin Papa tabadte shubu dapa chicchicte icpec? Aid uëshë anoentsëqui yannuc ¿Mitsipadquid ismiantequid icpec? quequin abëd icquidon chuipanëdash.

Ducas 21:7 ပူးပေါင်းရင်းမြစ်များ

Mateo 24:3

Adanec nidequi macuësh Odibos caid yacno poctsebi tsadtuidshun abëd icquido choshon utsibo tantiamenquio icquin Esus naden chuipondash: Mimbi chuibued ¿tedictsishun chicchicpec? Nëbi choec, quequin mibi chote ¿mitsipadembimbi tantiapatsia? Adembidi ¿atotsi isashini: Nuquin Papan abitedimbo cuidte nëbi yanec, quepatsia? En chui. Tantianu, capondash abëd icquidon.

Madcos 13:14

Adnubien Nuquin Papa chieshënte uëshë choendac. Aid chonoc Nuquin Papan oncamiaid Daniedën aden icsambuen nate chuiquin Nuquin Papan Chiaid dada uapampic. Aidën dada uampid isbanquidën mimbi tantiendac. Ubi tabadte shubu yacnoshon adotemaidquio nec, caidi pichicate dayunshun icsambuenshë nabanquid icsho isash: Cuessunnenushe, quiash nidaid Udea yacnocquido macuësh tapa yacno ompodec cuenac bëdambo ictsiash.

Ducas 21:32

Abimbo chiembique. Tantia. Umbi chuibambuedtedi yanabicnuc nëbi matses icquido uënësec naimëdenquio iquendac.

Ducas 21:6

Adoaquien: Nëbi mimbi isaidquio cuënote bëdambuen nacnenaid chicchicte uëshë chonoc matses utsibon nibëdquiecnuc abitedimbo chicchiquendac, quepanëdash Esus.

Ducas 21:8

Adoaquien Esusën: Tantia. Mibi chuinu. Muaquidoba choendac. Aidon chuisho tantiash: Abimbuen cachitec, quec mua uadenda. Adquido choshon: Nuquin Papan Chomiaidquio Quidistu caid nebi, quequin muaquin chiaqui matses dadpenshun: Ai, abimbo mimbi caic, capendac. Aden chuibanquido icsho tsibanenda. Adembidi utsin: Nuquin Papan matses abitedi cuidte uëshë nëbi nec, quequin chuisho tantienda.