Ducas 21:28 - El Nuevo Testamento en matsés

²⁸ Adquidtedi yansho issun: Nuquin Papa yacno ubi iuedte uëshë anoentsëqui yanec, quequin ënenquio icquin Nuquin Papa tantiaquin abuc istedneta, quepanëdash Esus.

Ducas 21:28 ပူးပေါင်းရင်းမြစ်များ

Ducas 13:11

Aden chuibannubien ambobi seta dadpen 18ted matanmequin podobitsi icsan cashuabudac cacuetiapimbocquid chido icpanëdash.

Ducas 18:7

Adombuembidi ambi: Cun matses nec, caidon: Ubi chieshënquid cuidta, quequin ënenquio icquin chuidoniac: Cuidnu, ¿quenquioda Nuquin Papa icpec?

Ducas 21:29

Aden chuishumbic: Ambi chuibued uëshë yante tantiamenuen Esusën naden chuipanëdash:

Doma 8:19

Aden Nuquin Papan: Nëid cun mado nec. Nëid cun champi nec, quequin abitedi ismete uëshë cainec ambi uaidtedi: ¿Nëbimbobida napeba? quequin cainec tabadec.

Doma 8:23

Adembidi nuquitedi natiamiac natiec tabadquid icshobi: Nëid Cun Mayambëd tabadquid nec, queshun Nuquin Papan bëdambuen isquin: Cun madobëd cun champi nec, queshun ambi tantiaid uëshën Nuquin Papan ubi uënëstiapimbo icquid icmendac, quequin tantiaquin natiamiaqui chieshtoenquio icquin nuquin dada chuca uate nuqui cainec.

Epeso 1:14

Aden aton Mayan meniaid icquin: Abëdi tabadmequin nuquitedi bëdamboshëcquido icmendac, quequin nuqui tantiec. Adoshon icsambuen namete nibëdacno abëd tabadmequin Nuquin Papan ambi cun matses caido icsho nuquitedi aton Mayan menendac. Aden tantiec: Nuquin Papa nadatiambocquid yec bëdamboshëcquid nec, quequin aid tantiec ma abitedi cuëdëmpanuna.

Epeso 4:30

Nuquin Papan Aton Mayan Bëda mibi meniaid icsambuen naquin uënësquio icmenda. Cuna nec, queshun dada uatanquin siacbimbuen Nuquin Papan Aton Mayan Bëda mibitedi meniac. Nuquin Papan ambi tantiaid uëshëmbi ubi icsambuen naisambo icmequin abi yacno tabadmendac, quequin ma tantianu, queshun Aton Mayan Bëda meniaid mibëd iqueque. Bëdambuen chuita.