Ducas 21:16 - El Nuevo Testamento en matsés

¹⁶ Adembidi ubi tantiaquid icsho min shubun icquidëmbi mibi bedmeshun cuidnuequid yacno buanshun: Cuidquin cuessunneta, caindac. Aton papambi adoendac. Animbi aton mado adembidi adouaindac. Aton buchimbi aton utsi adouaindac. Aton chuchumbi aton chibi adouaindac. Abëd tantiananquidëmbi adouaindac. Utsi utsien mibitedi cuessunnendac.

Ducas 21:16 ပူးပေါင်းရင်းမြစ်များ

Mateo 10:21

Adshumbic padpiden chiec: Ubi chieshënquidon ubi tantiaquidotsen cumapenen chieshënendac. Esus tantiaquid nec, queshun aton buchimbi aton utsi cuessunnemendac. Amëmbi ambi tishmiaido cuessunnemendac. Aton bacuëbombi chieshënquin anibëta amë cuessunnemendac.

Madcos 13:12

Ad icnuc ubi chieshënquidon ubi tantiaquidotsen cumapenen chieshënendac. Esus tantiaquid nec, queshun aton buchimbi aton utsi cuessunnemendac. Amëmbi ambi tishmiaido cuessunnemendac. Aton bacuëbombi chieshtoshon anibëta amë cuessunnendac.

Ducas 12:53

Aton papan chieshënquin chushcac aton mado cuëshëdendac. Aton madon chieshënquin chushcac aton papa cuëshëdendac. Aton titan chieshënquin chushcac aton champi cuëshëdendac. Aton champin chieshënquin chushcac aton tita cuëshëdendac. Aton chayan chieshënquin chushcac aton babanën cuëshëdendac. Aton babanënën chieshënquin chushcac aton chaya cuëshëdendac.

Ducas 21:15

Umbi tantiamiacpadombuen mimbi bëdambuen chuibanendac. Adoac: Icsambocquid mibi nec, quetiapimbo yec mibi chieshënquido tabadendac.

Ducas 21:17

Aden nidaid utsi utsiec yacno tabadquido dadpenshun ubi tantiaquido icsho chieshënquiendac.

Hechos 12:2

Aden quënën tsadunmeshun Santiaco chështen seshunnemepanëdash. Aidi Esusbëd iccondaid Uanën utsimbo nepanëdash.

Hechos 7:59

Aden dashcute sanshun cuënoten sesiac Estebanën Esus cuënquin naden chuipanëdash: Ubi iued, Icbo, quetanec

Esusën Uan ismiaid 12:11

Nëbi umbi isac Mayan Icsa Satanasën Esus tantiaquido chieshtometiapimbo iquec. Obecabimbuecquid yec abided cuidadec uënësaidën intaquën chieshtotiapimbocquid icmendac. Cuessunnenu, caqui: Esusën iuambo nebi, queshun uënëste dacuëdënenquio icquin abi chuibanendac.

Esusën Uan ismiaid 2:13

Mibi yacno Mayan Icsa Satanasën iuabo dadpen icnubi ubi tantiec mibi chieshtoenquio iquec. Ënden Mayan Icsa Satanasën namiac mibi yacnoshon chieshëmënquidon ubi chuibanquid Antipas caid cuessunnepondash. Aidën chieshtoenquio icquin umbi naid chuibansho cuessunniambi adembidi chieshtoenquio icquin mimbi ubi tantiaquiopec. Aden mimbi bëdambuen naid tantiembi.

Esusën Uan ismiaid 6:9

Adnubien Obecabimbuecquidën dada uaid bëbitaccaid utsitsen bedshun chicposh chicabi icquid daëdquiobi icnuc. Aid chicnubi nëish iua pichicate dapa dayun abi chieshënquidon tëtequin cuessun secanëdaido Obecabimbuecquid tantiaquido tabadsho ispombi. Aido chieshtoenquio icquin Nuquin Papan Chiaidbëta Obecabimbuecquidën naid chuibanec bëdambuec tabadsho issun cuessun secanëdaido neposh.