Ducas 20:46 - El Nuevo Testamento en matsés

⁴⁶ Moisesën chiampid tantiamequidopadquid iquenda. Aido: Mabi chuiquid tapabimbuecsho utsibon isnu, quequin tantiec chuiquid dasiuidacpadec dashcute ënapen icquid dasiuidcuededec. Adecbidi matses dadpen iccuededacno nidash capuequi: Ma ubi bëquedquidontsen ubi chuiquid tapabimbuecsho issun: Mibi bëdambo iquec, quequin mabi chuinu, quec tsadpec. Adombuembidi tantiec Nuquin Papan Chiaid chuibante shubun puduedash: Chuiquid tapabimbuecsho mabi isnu, quec chuiquido tabadacno tsadtednepec. Adombuembidi tantiec: Pec cho, cac chosho isash chuiquid tapabimbuecsho ma ubi bëdambuen isnu, quec tsësiobo tabadacno tsadtednepec. Aidon nacpadombuen nainda.

Ducas 20:46 ပူးပေါင်းရင်းမြစ်များ

Mateo 16:6

Adshobien Esusën abëd icquido chuiquin: Padiseobobëd saduseobo pan bidiscametebimbuecquido neque. Tantechoquiota, capondash.

Mateo 23:1

Adshumbic Esusën abëd icquidobëta matses dadpen tantiamequin naden chuibampondash:

Madcos 8:15

Aden potequimbi Esusën naden chuipanëdash: Padiseobobëd icquidonabëd Edodes Antipasbëd icquidona pan bidiscametebimbuecquid iqueque. Tantechoquiota, quequin chuipanëdash Esusën.

Ducas 11:43

Adembidi: Ma ubi chuiquid tapabimbuec capusho mabi bëdambuen isnu, quequin tantiec Nuquin Papan Chiaid chuibante shubun puduedash chuiquid tapa tsadacno mibi tsadtednepec. Adombuembidi tantiec matses iccuededacno nidequi: Chuiquid tapabimbuec capusho bëquedshun mabi bëdambuen chuinu, quec mibi capupec. Aden tantiaquid icsho Nuquin Papan cuidtequidombo mibitedi nendac.

Ducas 12:1

Aden padiseobon: Esus cuidnuen icsambuen chuimenuna, quequin tantianubien matses dadpenquioshë Esus yacno chochoash tsucus tsucustsëcquio yec tatincancuededtsëcquiec iccuededpanëdash. Adec matses tabadnubien abëd icquido Esusën nadopanëdash: Padiseobo bëdambuec tabadquid danmianquid yec pan bidiscametebimbuecquido neque. Aidon muaquin chuisho tantienda.

Ducas 14:7

Ambobi tsadquin: Pec nidta, caido chochoash: Chuiquidën tsadten tsadnu, quequinuidtsëqui tantiec tabadsho issun Esusën naden chuipanëdash:

Ducas 20:47

Aido niante ampeshunquin shubu bedshunquido nec. Adembidi: Bëdambocquid nec, camenuen iuen Nuquin Papa chuibudec. Adquid Nuquin Papan cumapenquien cuidtequidombo nendac, quepanëdash Esus.

Doma 12:10

Esus tantiaquid yec utsibobëd tantiananquiota. Ubëtan Esus tantiaquido nec, quiash aidobëd tantiananec bëdambuec isnanta.

Timoteo 2 4:15

Nuquin Papan Chiaid umbi chuibansho tantiate bunenquio icquin aidën icsambuen chuishunondashibique. Nuquin Papan Chiaid chuisho mibitsen icsambuen chuishunmenda.

Uan 3 1:9

Mibëd iccuededquido chuiquin dada uaondambi. Aden umbi dada uaid isash: Umbentsëqui namembi, quec Diotedepes chieshëmëmpondash. Aidi ubëd icquidon: Naden nata, quequin chiaid tantiate bunesa nec.