Ducas 20:16 - El Nuevo Testamento en matsés

¹⁶ Naden icbon naindac. Abibi aton tied yacno nidshun abi neshcashunquid icsambocquido icsho abitedi cuessun secashun aton tied abi neshcashunquid utsibotsen aton tied yacno icmendac, quepanëdash Esus. Adsho tantiash: Adoenquio icpashun, quepanëdash iccuededquido.

Ducas 20:16 ပူးပေါင်းရင်းမြစ်များ

Mateo 21:34

Adash iuectanneshumbien abëd nidondaido aton iuabo chuiquin: Nëen uba sinashe. Cuna cuëstan, cac aton iuabo nidanneposh.

Mateo 21:41

Adoaquien: Aido icsamboshë icsho cumapenen cuidquin cuessun secametsiash. Adoshombic tied icbon: Ubi uba sinacsho dadpen meneta, quequin utsibotsen aton tied neshcametsiash, quecuededpondash abi datsidadquido.

Mateo 22:7

Adoshobien chuiquid tapan nëishtanquin shëpi caposh. Uesquin cuessun secatan, cac aton sondado chedon aton iuabo cuessun secaquido uesquin cuessun secatanquin aton shubutsen uesquin nëdëncaposh.

Madcos 12:9

Aden naid chuituidac ¿atotsi tied icbon napatsiash? quequin mibitedishun tantiec. Tantia. Chuinu. Abibi aton tied yacno nidshun abi neshcashunquid icsambocquido icsho abitedi cuessun secashun aton tied neshcashunquid utsibotsen aton tied yacno tabadmendac, quepanëdash Esus.

Ducas 19:27

Adashic: Ubi chieshënec aton chuiquid tapa ubi icmete bunesabo nëmbo bec cho. Bëshun umbi isnubi abitedi cuessunneta, caposh aton chuiquidën, quepanëdash Esus.

Ducas 20:15

Adec onquetanquin tied icbon mado choacsho tied yacnoshon cuenmetanquin icbo neshcashunquidon cuessunneposh. Aden chiashic Esus: Min mado cuessunniosh, quequin utsin chuituidac ¿atotsi tied icbon napatsiash? ¿Mitsipaden mibitedishun tantie?

Hechos 13:46

Adoaquien dacuëdenquio yec Pabadobëd Bednabe: Mibitedi cun matses icsho Nuquin Papan Chiaid mibitediba chuibannu, quebuedëmbi tantiate bunenquio icsho issun mibitedi chuibanenquio iquembi. Tantiesabo yec Nuquin Papabëd ënëdenquio yec tabadte bunesabidi icnuc isadaidpembo yacno nidshun Esus chuibanembi.

Doma 11:1

Tantia. Chuinu. ¿Ada Nuquin Papan aton matses isadaidbo tantiatiapimbo icquin chieshëmpec? Padenquio. Isadaidbombo nebi. Cun tsusedpa Abadauanën tsiuecquid Benjaminën tsiuecquidon tsiuecquid nebi.

Doma 11:11

Pacuënnëdacbimbuecnuc icmiac tantiatiapimbo icsho isadaidbo padpiden ¿bëdambuen tantiamenquioda Nuquin Papan icpec? Aido tantiamec. Isadaidbon Ambi Chiaid niacsho bëdambuen istiapimbo icquimbi Nuquin Papan matses utsibo tantiamequin bëdambuen isbenec. Adosho issun isadaidbo utsin utsinquien Nuquin Papa nëishënec.

Doma 3:31

Adoaid yec: Nuquin Papan: Naden nata, quequin chuiquin Moises dada uamiampid niac niaquec icsambuec tabadnuna ¿quecta icpec? Padenquio. Adenquio icquin Esus tantiaquin Nuquin Papan: Naden nata, quequin chiacpadombuen natiadquio nuqui yanendac.

Doma 3:4

Natsiash, caimbi. Aden ambi chiacpadombuen naquidquio Nuquin Papa nec. Matses abitedimbo muaquido icnuc Nuquin Papan naden chuiquin dada uamiampid iquec: Abimbo chuiquidquio icquin ambi chiacpadombuen naquidquio nec. Adquid icquin: Icsambocquid cuidquid nebi, quequin mibi icsambuen chuishunquido dëniacquin cuidquidquio nec, quequin dada uamepampic.

Doma 3:6

Nuquin Papa muesambo nec. Muaquid yec: Matses icsambuen naquido cuidenquio iquembi, quetsempanëdash.

Doma 6:15

Nuquin Papan nuquitedi bëdambuen isec, quequin chuisho tantiashun naden icsambuen tantienda: Moises dada uamiampidtedi niacsho bëdambuen isquin cuidtiapimbo iqueque. Ambi chiaid niacquin icsambuen nanu, ¿quequinda tantie? Aden icsambuen tantienda.

Doma 6:2

Padenquio. Nuquitedi uënësacbimbuen padpiden icsambuen nate bunenquio iquec. Adquid icquin ¿icsambuen naiduidi naicta nuqui tabadpe?

Doma 7:13

Aden Nuquin Papan Chiampid bëdambocquid nec, quequin tantiashobi uënësacbimbuec icsho ubi ënenquio icquin cuidacno nësecaindac ¿quectabi ne? Padenquio. Icsambuen namiantequidën namiac icsambuen nabanec ubi uënësacsho ënenquio icquin cuidacno nësecatsiashi, quequin tantiabenondambi. Icsambuen naquido icquin Nuquin Papan Chiampid isash: Icsambuecshë tabadebi, quequin nuquitedi tantiabempondac.

Doma 7:7

Nuquin Papan: Naden nata, quequin chuiquin Moises dada uamiampid icsambuen namiantequid nec ¿quectabi ique? Padenquio. Nuquin Papan: Naden nata, quequin chuiquin Moises dada uamiampid issun: Icsambuen naombi, quequin tantiondambi. Utsina isash cuna adquid nibëdec, quec chieshëmënenda, quequin Nuquin Papan Moises dada uamiampid issun: Aden icsambuen naombi, quequin tantiondambi.

Doma 9:14

Umbi aden chuisho tantiash: Nuquin Papan ambi chiacpadombuen bëdambuen nainquio ictsiash ¿quecta ique? Padenquio.

Codinto 1 6:15

¿Abi tantiaquid yec Esuquidistubëd abentsëc yacbimbuec tabadquid nebi, quequin tantienquioda mimbi icpe? ¿Aidbëd abentsëc yacbimbuec tabadbuedi icsambuen naic piucquid bedec chudadquidbëd daëdash abentsëc yacbimbuecta tabadtiad? Padenquio ictiad, caimbi.

Cadasia 2:17

Nëbi: Esuquidistu uidtsëqui tantiasho Nuquin Papan bëdambuen isec, quequin nuquitedi tantiec. Aden tantiaquid icsho cun matses isadaidbon: Nuquin Papan Chiaid mimbi niacquin icsambuen naic, ubi capec. ¿Ada Esuquidistun aden Nuquin Papan Chiaid ubi icsambuen namepec? Padenquio.

Cadasia 3:21

¿Min tsiuecquid tantiaquido bëdambuen isendambi, quequin Abadauan chiampid niacquinda Nuquin Papan Moises chuipampic? Padenquio. Ambi: Naden nata, quequin chiampidën ënëdenquio yec tabadtequid icnuc Nuquin Papan chiacpadombuen naic tabadenquio ictsempampic.

Cadasia 6:14

Ubien tantiesabimbuec: Ubiuidtsëqui bëdambocquid nebi, quetiapimbo iquec. Adenquio yec Nuquin Icbo Esuquidistu cueste napotiaidën dectanaidquio tantiec: Bëdambocquid nebi, caimbi. Adec Esuquidistu tantiec ubi bunaid ënash icsate bunenquio iquebi. Adsho issun utsibon umbi Esus tantiaquin nasho tantienquio iquec. Adec Esuquidistu cueste napotiaidën diadec uënëspanëdash, quequin tantiec Esus tantiesabon nacpadombuen nainquiocquin umbi icsambuen naid ënash icsate bunenquio iquebi.