Ducas 19:6 - El Nuevo Testamento en matsés

⁶ Saqueo badedi budpanëdash. Budanec nidquin Esus aton shubuno buanec nidshun: Mibi ubëd icte bunsho isash bëdambo iquebique. Pudued, Saqueon cac Esus puduedpanëdash.

Ducas 19:6 ပူးပေါင်းရင်းမြစ်များ

Ducas 19:5

Adec tsadnubien aid podquiedënquio choquin abuc isquin Saqueo bushcuctsëcquid tsadsho istuidshun Esusën: Nëbi min shubu yacno nuquibi tabadec nidnu. Baded bud, caquien

Ducas 19:7

Adec puduedsho isash Esus icsambuen chuishunec tsibanquidotedi: Icsambo icquidën shubun Esus puduedosh, quecuededpanëdash.

Ducas 2:16

Adec badedquio nidanneshun Madiabëta Ose istuidquimbi nëish iuan pete sandoten bacuë nanac uesho istuidpanëdash.

Ducas 5:29

Adshumbic aton shubuno Esus buanshun cuishonquec iccuededquin Debin pemepanëdash. Adembidi abipadquid piucquid bedshunquidobëtabi utsibo dadpen Debin pemepanëdash.

Hechos 16:15

Aidbëd aton shubun icquido Esus tantiaquido yansho issun acten mentobampondash. Aden abi mentoboc Didian: Esus tantiaquid nec, quequin ubi tantiaquid icsho umbi: Cun shubuno ushec cho, cac ubitedi nidash Didian shubun puduedash Pabadobëd tabadpondabi.

Hechos 16:34

Aden mentoac aton shubuno buanshun pemepanëdash. Adashic Nuquin Papan Chiaid abimbo tantiaquid yec: Ambi bëdambo icmiaido nebi, quiash seshunniadtsembued aton shubun icquidobëd cuishonquecuededpanëdash.

Hechos 2:41

Aden chuisho tantiash: Abimbo caic, quequin tantiaquido utsi utsiec yampanëdash. Aid uëshëmbi dadpenquioshë 3midted Esus tantiaquido yampanëdash. Adquid yansho issun acten mentobampanëdash. Adoac Esus tantiaquido utsibobëd iccuededpanëdash.