Ducas 19:26 - El Nuevo Testamento en matsés

²⁶ Adoaquien chuiquid tapa: Umbi chiacpaden naquin daëd uacsho issun atona daëd uaquin udictsëc menendambi, queposh. Adoshombic umbi chiaid tantiesa icquin chieshquin daëd uambocsho issun umbi menebued bedshunendambi, queposh aton icbo.

Ducas 19:26 ပူးပေါင်းရင်းမြစ်များ

Mateo 13:12

Nuquin Papa tantiate bunquidën ubi tantiabensho bëdambuen tantiamendambi. Nuquin Papa tantiauidtsëcquidën umbi utsi chiacbimbuen chiac tantienquio icsho tantiamenquio iquendambi.

Mateo 21:43

Aden ambi Chomiaid chieshënsho isash mibitedi caic Nuquin Papa nadpec: Umbi cun matses caid isadaidbo ubi bëdambuen tantiametiadquidi chuiquid tapabon namenquio icsho issun matses utsibo: Ubi chuibanquid icta, caindambi, quendac Nuquin Papa. Aden ambi tantiamiaidën bëdambuen chuibanac abi tantiaquido dadpen yanendac.

Madcos 4:25

Nuquin Papa tantiate bunquidën ubi tantiabensho bëdambuen tantiamendambi. Nuquin Papa tantiate bunenquio icquidëmbi umbi utsi chiacbimbuen chiac tantienquio icsho tantiamenquio iquendambi, quepanëdash Esus.

Ducas 16:3

Aden chiaquien icbon: Cuna ista, caid otacquio onquec: Cun icbon: Nëbi cuna isquid mibi ictiapimbo iquec, caboc. ¿Atotsimbi napeba? Chonoadtiapictsëcquiocquid yec neshcashunquid ictiapimbo iquebi. Adecbidi: Cuna nibëdeque. Bec cho, quetiapimbo iquec dacuëduaibi.

Ducas 19:25

Adoaquien: Aidëna 10ted iqueque. Aid menenda, icbo, caposh iccuededquidon.

Ducas 8:18

Adquid icnuc Umbi Chiaid bëdambuen tantiaquiota. Nuquin Papa tantiate bunquidën ubi tantiabensho bëdambuen tantiamendambi. Nuquin Papa tantiauidtsëcquidën umbi utsi chiacbimbuen chiac tantienquio icsho tantiamenquio iquendambi, quepanëdash Esus.

Hechos 1:20

Adembidi ëndenquimboshë Udas tishabicnuc chuiquin Nuquin Papan Mayan Bëdan tantiamiacpadombuen tsusedpa Dabidën cuëdënte naden dada uapampic: Ma adequi aton shubu mosadpanuna. Adecbidi aid shubun ma matses nibëdquid icpanuna, quequin chuipampic. Aden chuishumbic cuëdënte utsitsen naden Dabidën dada uapampic: Aidën nabanuidbued ma utsin nabampanuna, quequin Dabidën chuipampic, quepanëdash Petedo.

Uan 2 1:8

Ista. Adquidën chuibansho tantienda. Bëdambuen nasho Nuquin Papan nuqui bëdambuen nashunendac, quequin umbi mibitedi chuibambued tantienquio yannushe, queshun aden aidon chuibansho tantienquio icquin: Nuquin Papan abëd tabadmequin ubi bëdamboshëcquid menetequid iquendac, quequin tantiata.

Esusën Uan ismiaid 2:3

Adembidi utsibon chieshënquin natiamiaqui chieshtoenquio icquin Umbi Chiaidbëta Umbi naid mimbi chuibanoc.

Esusën Uan ismiaid 3:11

Tantia, nëbimbobi choendabi. Mimbi bëdambuen nabocpadombuen chieshtoenquio icquin ubi tantiata. Utsibon chieshënaqui mibi icbocpadquiec chieshtoenquio yec bëdambuec tabadta. Adquid icsho cuidenquio icquin utsibon mënchictiapimbo icnuc mibi bëdamboshëcquid menequin ubëdi tabadmendambi.