Ducas 19:20 - El Nuevo Testamento en matsés

²⁰ Adnubien utsintsen: Mimbi menebued min piucquid umbi dashcute cuëshaidën dapucshun dayun uabued në iquec, icbo.

Ducas 19:20 ပူးပေါင်းရင်းမြစ်များ

Mateo 25:24

Adnubien piucquid un midted meniondaidtsen choshon: Icbo, utsinabëta mimbi nitsinacmaid utsina bedbanquid mibi icsho isash: Chushcanushe, quiash dacuëdec tsadtenniobi.

Ducas 19:13

queshun aton iuabo ambi namiaido 10ted icquid chochomeshun piucquid dadpen icbo icboen menebamposh. Aden menebanash: Ubi nidan umbi menebued bëdambuen nabanquin daëd uata, quequin chianec chuiquid icte bunquid chuiquid tapa yacno nidposh.

Ducas 19:19

Adoaquien: Mimbi daëd uaidtedquiobi shubu dadpen icquid 5ted uanno uannoecquidon chuiquid icta, caposh aton icbon.

Ducas 19:21

Min piucquid mimbi tantiactedimbo daëd uatiapimbo ictsiabi, queshun dayun uaombi. Utsinabëta utsin nitsinaid bedbanquid mibi icsho isash: Chushcanushe, quiash dacuëdec tsadtedniobi, queposh.

Ducas 3:9

Aden chiashic: Cute bacuëesa icsho dëdshun cuidi mëtequin tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan.

Ducas 6:46

Adoshombic: ¿Atotsi queshun: Cun Icbo mibi nec, quequimbi umbi chiacpadombuen nainquio mibitedishun icpe?

Uanën dada uaid 11:44

Adoaquien Dasado badedquio choec abi dashcute dataniacchobi puduempondash. Uënësacsho uesquin dashcuten datanetanquin dashcute cuëshën bëpucacchobi chopondash. Adec chosho istanquin: Baded dashcute dachic. Ma nidnu, capondash Esusën.

Uanën dada uaid 20:7

Adec abi dataniaid uenubi udictsëc dashcutempi Esus mataniacbued bëdambuen shëbunaid uesho ispondash.

Santiaco 4:17

Bëdambuen nabanquin tantiembi, queshun adombuen nabanenquio icquid icsambuen naquid iquendac.