Ducas 18:7 - El Nuevo Testamento en matsés

⁷ Adombuembidi ambi: Cun matses nec, caidon: Ubi chieshënquid cuidta, quequin ënenquio icquin chuidoniac: Cuidnu, ¿quenquioda Nuquin Papa icpec?

Ducas 18:7 ပူးပေါင်းရင်းမြစ်များ

Mateo 24:22

Adquid icnuc Nuquin Papan ënmenquio icnuc matsestedi nibëdantsiandac. Adquid icnubi ambi: Umbi tantiamiaido nec, quequin tantiaquin Nuquin Papan ënmendac, quepondash Esus.

Mateo 24:24

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin ubi chieshënquidombi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Mateo 7:11

Adquid yec mibitedi icsambuen naquido icquimbi min bacuëbo tantiaquin bëdambocquid mimbi menec. Adombuembidi Nuquin Papa abuc tabadquid icquin: Ubi nashunta, Papa, quequin abi chuisho tantiashun mibi nashuntsiashe. Nuquin Papa chianneta, quequin Esusën chuipanëdash.

Ducas 11:13

Mibitedi icsambuen naquido icquimbi min bacuë tantiaquin bëdambocquid menequid mibi nec. Adquid icnuc Nuquin Papa icsaisambo abuc tabadquid icquin: Min Mayan Bëdamboshëcquid ubi mene, quequin abi chuisho tantiashun mibi menendac, quepanëdash Esus.

Ducas 2:37

aton bënë uënëspanëdash. Adec uënësan aton seta 84ted iquequi abi niante icpanëdash. Aidëmbi Nuquin Papa tabadte shubu dapa yacno nidtednequin Nuquin Papauidi tantiaquin buna mëmundednequin Nuquin Papa chiannequidquio Ana nepanëdash.

Ducas 21:28

Adquidtedi yansho issun: Nuquin Papa yacno ubi iuedte uëshë anoentsëqui yanec, quequin ënenquio icquin Nuquin Papa tantiaquin abuc istedneta, quepanëdash Esus.

Doma 8:33

Nuquin Papan ¿Adquid icmiacshoda utsibon: Mimbi icsambuen nabanec, capatsiash? Padenquio. Aido Nuquin Papan ambi tantiacpadombuen icsaisabimbuenuc icmendac.

Codosas 3:12

Nuquin Papan mibitedi tantiaquioquin: Nëid cun matses canu, quequin tantiamiaido yec nadec tabadta. Utsibo tantiec uënësquiocquin nashumbanta. Adecbidi: Mimbia bedan bedembi, quequid icta. Adecbidi: Mibia nashunnu, quequid icta. Utsi icsambuen naid ënmenuec cumapenec chushquenquio icquin bëdambuen chuita. Tantesa uasho issun badedquio chieshtoenquio icquin bëdambuen chuiquin tantiameta.

Tesadonica 1 3:10

Aido istantiadquio iquebi. Mimbi chiaid bëdiactsëc tantiasho aidobëd tabadquin mibi tantiaquidquio icmenuen bëdambuen chuibantsiambique. Ubi ambo nidmeta, Papa, quequin Nuquin Papa ënenquiocquin badiadquidën badiadquidënquien chiannembi. Adembidi inchëshquidën inchëshquidënquien chiannembi.

Tesadonica 2 1:6

Nëbi mibitedi natiamequin chieshënquidon naidtsen tantiaquid icquin Nuquin Papan: Icsambuen naquido nec, queshun aido cuidendac.

Timoteo 1 5:5

Padnuen aton matses nibëdquio icquid nianten Nuquin Papa chiannequid: Nuquin Papan ubi nashuntsiash, queshun. Mimbi ubi tantiaquieque. Ubi nashunta, Papa, quequin Nuquin Papa ënenquio icquin chiannequid niante icsho abëtan Esus tantiaquidon nashunquid.

Timoteo 2 1:3

Cun tsusedpabon nampicpadombuen Nuquin Papa tantiaquin aidën chiacpadombuen naquid nebi. Adquid icquin Nuquin Papa ënenquiocquin badiadquidën badiadquidënquien mibi tantiaquin naden chiannembi: Mibi tantiaquid Timoteo bëdambo icmec mibi bëdamboshë iquec, Papa, quequin chiannembi.

Timoteo 2 2:10

Aden chuibannubi Nuquin Papan ambi tantiamiaidtedi Esuquidistu tantiamendac. Aid tantiaquido uënësacsho cuidenquio icquin abëdi tabadmendac, quequin tantiec quënën tsadunondaid yequi chieshtoenquio iquebi.

Tito 1:1

Pabado nebi. Nuquin Papan namiaidquio nebi. Adembidi Esuquidistun: Ubi chuibenneta, caid nebi. Nuquin Papan: Nëido cun matses nendac, caido yec Esuquidistu tantiaquidombo ma icpanuna. Adquid yec ma Nuquin Papan chiacpadec bëdambuec tabadpanuna, quequin chuibanec nebi.

Petedo 1 1:1

Petedo nebi. Esuquidistun: Ubi chuibenneta, caidquio nebi. Esus tantiaquido icquin mimbi iste dada uanu. Isadaidbo icsho nuquin nidaidënshun ënden cuenmenëdac maismaisnëdash nëidtedi nidaid cuëshë yacno mibitedi tabadec. Nëidic Ponto yacno. Utsibic Cadasia yacno. Utsibic Capadosia yacno. Utsibic Asia yacno. Utsibic Bitinia yacno quec tabadec. Aidtedi yacno tabadquidon iste nëid dada uaic nebi.

Petedo 2 3:9

Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.

Esusën Uan ismiaid 18:20

Mibi abuc tabadquidotedi: Shubu dadpen icquid cuidquin nëdëncaquin nibëdanmequiosh, quec cuishonqueta. Adecbidi Nuquin Papa tantiaquido yec cuishonqueta. Adecbidi Esusën: Ubi chuibenneta, caido yec cuishonqueta. Adecbidi Nuquin Papan oncamiaido yec cuishonqueta. Mibi chieshënquin natiamiacpadombuen mibi chieshënquido Nuquin Papan ambi chiacpadombuen naquin uesquin cuidquioshe, queposh abucuësh onquec.

Esusën Uan ismiaid 6:10

Adoaido icquin cumapenec cuëdquin Nuquin Papa chuidoneposh: Abitedishun Icbombo icquin mimbi tantiacpadombuen namequidquio mibi nec. Icsaisambo yec muesambo mibi neque. En chui, Papa. Nidaidën tabadquido ubi chieshënquin cuessun secambuedo ¿tedectsicshun mimbi aido cuidpe? quequin chuidoneposh.

Esusën Uan ismiaid 7:15

Obecabimbuecquid tantiaquido icsho Nuquin Papan abi yacnombo puduedmeshun aton iuabo icmiaido icquin abi bëisec nec, queposh. Adquido icquin Nuquin Papan shubun tabadquin aid ënenquio icquin tantiaquin nashunendac. Adembidi aton tsadte dapan tsadquin Nuquin Papan abëdi tabadmequin bëdambuen dayun uaido nendac.