Ducas 18:23 - El Nuevo Testamento en matsés

²³ Aden Esusën chuisho tantiashien: Cuna dadpenquio icquid uesquin menetiapimbo iquebi, quiash uënësquio yec atona dadpen icquid Esusën chiacpadombuen natiapimbo yec nidpanëdash.

Ducas 18:23 ပူးပေါင်းရင်းမြစ်များ

Mateo 19:22

Adoaquien cania: Cuna dadpenquio icquid uesquin menetiapimbo iquebi, quiash uënësquio icquin Esusën chiacpadombuen natiapimbo yec nidpondash.

Madcos 10:22

Adsho tantiash: Cuna dadpenquio icquid uesquin menetiapimbo iquebi, quiash uënësquimbo yec atona dadpen icquid nidpanëdash.

Ducas 12:15

Aden aid chuishumbic: Cuna dadpenquio bednu, quesa icta. Mimbi dadpen bedaidënquio mibi bëdambuec tabadtiapimbo iquendac.

Ducas 18:22

Aden chuisho tantiashun: Abentsëc mimbi nabicquid iqueque. Mimbi dayun uaidtedi uesquin menequin piucquid bedta. Aden piucquid bedshun atona nibëdquido mitsana uesquin menebanta. Adosho issun abëd tabadmenun Nuquin Papan mibi bëdambuen istsiashe. Adota. Adotanec ubëd iquec cho, capanëdash Esusën.

Ducas 18:24

Adsho issun: Atona dadpen icquid atonauidi tantiaquid yec Nuquin Papan namiacno puduedtiapimbo iquendac, quepanëdash Esus.

Ducas 19:8

Adnubien aton shubu nuntanuësh nidtoash Saqueo: Tantia. Chuinu, Icbo. Nëbi cuna tedbidi bedquin atona nibëdquido tedbidi menebanembi. Adoshombic cun matses: Cuna mimbi ampioc, quesho tantiashun umbi ampiaidbëta daëd daëdquiecnuc daëd uashun icbo menebanuaimbi, quepanëdash Saqueo Esus chiec.

Ducas 21:34

Adembidi chuinu. Tantiata. Nëishën: Nëbi ubi sec, quequin tantienquio yec capusho badedquio siac cuentiapimbo yec uënësendac. Adecbidi: Natiate uëshë choec, quequin tantienquio yec tabadquin badiadquidën badiadquidënquien acte paë uaid actednepec. Adecbidi atona bednuec abi bunaiduidi tantiec tabadpec. Aden nabanec tabadnubi ¿Nëbida Nuquin Papan matses abitedimbo cuidte uëshë chopeba? Aid choec, quequin tantiaquin caimbudec bëdambuec tabadta.

Ducas 8:14

Pete ëshë utsi nisanquid dadpen dëyucaid yacno paëdaidbimbuecquid nad iquec. Nuquin Papan Chiaid chuibansho tantiashun ambi natiaquin tantiaiduidi tantiec chieshtoendac. Utsibic ambi bedteuidi tantiaquin nabanquin chieshtoshon tantienquio yanendac. Utsibic abi bunaidtedi nate bunquin tantienquio yanuaindac. Adquidon Nuquin Papan Chiaid tantiesa yanshun bëdambuec tabadaid ismesa yanendac. Adquid nisanquidën bëtinac bacuëtiapimbo yacbimbuecquido nendac.

Epeso 5:5

Nadquido icsambo iquec. Nëidic ambi chudtemaidi chudquido. Utsibic ambi natemaid utsi naquin mëmunesabo. Utsibic ambi tantiaiduidi dadpen bunquin bedquido. Aden naquido: Ambibi nacnenash: Ubi uaquidien nec, quiacbimbuen Nuquin Papa tantiesabo nec. Aidotedi Nuquin Papan Esuquidistubëtan namiacno tabadtiapimbo iquendac.

Pidipos 3:8

Nëbi Cun Icbombo Esuquidistu tantiec bëdambo iquebi, quequin tantiembi. Aiduidtsëqui tantiate bunquin icsa sandoshon secacbimbuen umbi tantiacpadombuen nabanaidtedi ënondambi.

Codosas 3:5

Adec Esuquidistubëd tabadec bëdamboshëcquid iquendabi, quequin tantiaquin mimbi icsambuen nabanaidtedi cuessun secacbimbuen mibitedishun ëmbanta. Adshun: Umbi chudtemaid chudnu, quenquio icquin ënta dadan. Umbi chudmetemaid chudmenu, quenquio icquin ënta chidon. Aden natemaid bunmec dasiuidenda. Adembidi mimbi icsambuen nate bunaidtedi ënta. Adembidi mitsana dadpen bedteuidi bunaid ënta. Mimbi: Bednu, quequinuidi tantiaid matsesën ambibi nacnenshun: Papa, quequin tantiacbimbuecquid mibi bedte bunaid nendac.

Uan 1 2:15

Tantia. Esus tantiaquido icsho mibitedi chuinu. Nuquin Papa tantiesabon nacpaden nate bunenda. Aden nate bunquid Nuquin Papa tantiesa nec.