Ducas 18:20 - El Nuevo Testamento en matsés

²⁰ ¿Ada Nuquin Papan: Naden nata, quequin Moises dada uamiampidtedi tantie? Min chidopenquio chudenda. Min bënëpenquio chudmenda. Cuessunnenda. Ampenda. Cuidmenuen utsi mua uainda. Adecbidi utsina bednuec muainda. Titabëta papa chieshënenquio icquin bëdambuen tantiata, quequin chiampictedi ¿nabanquidta ne? capanëdash Esusën.

Ducas 18:20 ပူးပေါင်းရင်းမြစ်များ

Ducas 18:19

Adoaquien Esusën: ¿Atotsi quequin mimbi ubi: Bëdambocquid nec, cape? Nuquin Papa abentsëcquiobien bëdambocquid nec.

Ducas 18:21

Adoaquien chuiquid: Aidtedi niaquenquio icquin bacuëctsëc icquimbi bedanquin nabanquidquio nebi, quepanëdash.

Doma 13:9

Nuquin Papan Moises chuiquin naden dada uamepampic: Utsin chido chudenda. Utsin bënë chudmenda. Cuessunnianenda. Ampenda. Utsina isash: Cuna adquid nibëdec, quec chieshëmënenda. Naden naquin aid chiampid mimbi natsiac: Mibibi min dada datantiadacbimbuen utsibotsen tantiaquiota, quequin chuipampic.

Doma 3:20

Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Epeso 6:2

Aden nasho bëdambuen nashunendambi, quequin Nuquin Papan chiaid ambi Moises dada uamiampid nad iquec: Papabëta tita bëdambuen tantiata.

Codosas 3:20

Aton bacuëbo icquin papabëtan titan chiacpadombuen nabanta. Aden nabanec tabadsho isash Nuquin Icbo: Bëdambo iquec, quendac.