Ducas 18:14 - El Nuevo Testamento en matsés

¹⁴ Aden chiashic: Tantia. Chuinu. Aton matsesën piucquid bedshunquid Nuquin Papan bëdambuen isaidquio icnubien padiseobo ambi icsambuen isaidquio icposh. Aidi icsambuen naisabimbuec: Bëdambocquid nebi, quequid Nuquin Papan bëdambuen istiapimbo iquendac. Padnuen: Icsambocquid nebi, quequid Nuquin Papan bëdambuen isaid iquendac, quepanëdash Esus.

Ducas 18:14 ပူးပေါင်းရင်းမြစ်များ

Mateo 23:12

Utsien abibi tantiadec: Ubiuidtsëqui bëdambo iquebi, quequin utsibo ismenuenuidi naquido Nuquin Papan: Icsambo iquec, caindac. Padnuen utsi Nuquin Papan chiacpadombuen naquin utsibo nashunquid yec utsibo ismeteuidi bunenquio icsho Nuquin Papan: Bëdambo iquec, caindac, quepondash Esus abi datsidadquido chiec.

Mateo 5:3

¿Mitsipadquid Nuquin Papan bëdambuen ispec? Tantia. Mibitedi chuinu. Ubembi bëdambuec tabadtiapimbo icquid nebi. Nuquin Papan bëdambuen tabadmiaquini bëdambuec tabadtsiac, quequidën abi tantiasho Nuquin Papan: Umbi namiacno tabadtequid nec, quequin bëdambuen isquin bëdambo icmendac.

Ducas 1:52

Matses chuiquid tapa icbuedobi dëniacshun namendac. Utsin namiaid icbuedi chuiquid tapa Nuquin Papan icmendac.

Ducas 10:29

Adoaquien: Aden natiapimbo iccobi, quequin otacquio tantiaquin utsibo: Bëdambocquid nec, camenuen padpiden Esus chiec: ¿Mitsicquid cun utsibimbuecquido nepec? quepanëdash.

Ducas 14:11

Utsien abibi tantiadec: Ubiuidtsëqui bëdambo iquebi, quequin utsibo ismenuenuidi naquido Nuquin Papan: Icsambo iquec, caindac. Padnuen utsi Nuquin Papan chiacpadombuen naquin utsibo nashunquid yec utsibo ismeteuidi bunenquio icsho Nuquin Papan: Bëdambo iquec, caindac, quepanëdash Esus abëta iuedaido chiec.

Ducas 16:15

Adec tabadsho issun Esusën: Bëdambuen nacbimbuen ismequido mibitedi icsho mimbi ompoquin naidtedi Nuquin Papan tantiec. Adembidi: Bëdambuen naquidquio nec, quequin matsesën isaidi Nuquin Papan bëdambuen istiapimbo iquec, quepanëdash Esus.

Doma 3:20

Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Doma 4:5

Nuquin Papambien icsambuen nabuedëmbi Esus tantiasho aid matses bëdambuen isendac icsambuen naisabimbuecnuc. Aid matsesën abi bëdambuen ismete nainquio icshobi Nuquin Papan bëdambuen isec.

Doma 5:1

Nuquin Icbo Esuquidistu uidtsëqui tantiasho Nuquin Papan nuqui bëdambuen isquin cuidenquio iquendac isaisabimbuecnuc. Adoaid yec nuqui bëdambuec tabadendac.

Doma 8:33

Nuquin Papan ¿Adquid icmiacshoda utsibon: Mimbi icsambuen nabanec, capatsiash? Padenquio. Aido Nuquin Papan ambi tantiacpadombuen icsaisabimbuenuc icmendac.

Cadasia 2:16

Adquid icnuc Nuquin Papan: Naden nata, quequin chuiquin Moises dada uamiampid tantiaquin nabansho Nuquin Papan icsaisabimbuecnuc nuqui bëdambuen isec, quetiapimbo nuquitedi iquec. Esuquidistu tantiashouidtsëqui Nuquin Papan nuqui bëdambuen isec, queshun nuqui Esuquidistu tantiabenondac. Adshun ambi: Naden nata, quequin chiampiduidi nainquio icsho icsaisabimbuecnuc Nuquin Papan bëdambuen istiapimbo iquec, quequin nuqui tantiec.

Santiaco 4:10

Icsambocquid nebi, Icbo. Mimbi chiacpadec tabadte bunebi, quiash bëdambuec tabadquid icsho utsibo ismequin: Nëid bëdambocquid nec, caindac.

Santiaco 4:6

Aidëmbi nuquitedi tantiaquioquin nashunec. Adquid icnuc Nuquin Papan dada uamiampid nad iquec: Utsibo tantienquio icquin aton nauidtsëqui nasho: Icsambo iquec, caindac Nuquin Papan. Utsimbien atonauidtsëqui tantienquio icquin utsibotsen tantiaquin nashunsho Nuquin Papan bëdambuen isquin nashunendac, quequin chuiquin dada uamepampic.