Ducas 17:6 - El Nuevo Testamento en matsés

⁶ Adoaquien: Cute mostasa caid ëshë pistsëcquio ictsec. Aid yacbimbuen Nuquin Papa nadatiambocquin nabanquid nec, quequin mimbi bëdiactsëc tantiactsëcquin nëid cute cain: Mananuc tabadbuedi adquiecbidi acte nantan tabaduata, quequin mimbi chiacpadec acte nantantsen abi tabadacpadecbidi tabaduaindac, quepanëdash Esus.

Ducas 17:6 ပူးပေါင်းရင်းမြစ်များ

Mateo 14:29

Adsho tantiashun Esusën: En cho, caquien Petedo canonuësh budanec acte bëntse Esus bëquedec nidpondash.

Mateo 17:20

Nuquin Papambo tantiaquioquin mimbi bëdambuen natsenac. Cute mostasa caid ëshë pistsëcquio yacbimbuen mimbi ubi bëdiactsëc tantiatsec. Aden bëdiactsëc tantiaquid icquin nëid macuësh cain: Nëmbo icbuedi uanno mannëdta, cac ambo ictsiandac. Adembidi: Umbi natiapimbo ictequid nec, mimbi caidi mimbi: Ubi bëdambuen nameta, Papa, quequin abi chuidonesho issun aidëmbi mibi nametsiash. Nëbi umbi dapuduenmebued abembi cuentiapimbo icquid nec. Nuquin Papauidtsëqui tantiaquin buna mëmunquin Nuquin Papa chianneshun adquid dapuduenmetequid nendac, quequin Esusën abëd icquido chuipondash.

Mateo 21:21

Adoaquien Esusën: Tantia. Mibitedi chuinu. Adembidi mimbi natsiac. Nuquin Papan umbi chiaid nainquien icchitec, quenquio icquin: Nuquin Papa nadatiambocquin nabanquidquio nec, quequin tantiaquin Abi chiannesho Aidëmbi mimbi: Natiapimbo ictequid nec, caidi mibi nametsiash. Adoac umbi cute icueda uënës uabocpadombuembidi tantiaquin mimbi nëid macuësh cain: Mananuc icbuedi adquiecbidi acte nantan icuata, mimbi cac nëid macuësh acte nantan icuatsiash.

Madcos 4:31

Tied icbon mostasa caid ëshëmpi aidpadquid pistsëcquidquio cuëte ëshë utsi nibëdnuc aton tiedën seposh.

Madcos 9:23

Adoaquien Esusën: ¿Ada podobitsi icsa dapuduedaid dapuduenmeshuntsia? ¿quecta ique? Nuquin Papa nadatiambocquin naquidquio nec, quequin tantiaquidën tantiacpadombuen Nuquin Papan nashunendac, capanëdash.

Ducas 13:19

Nadquio iqueque. Tantia. Chuinu. Tied icbon mostasa caid ëshëmpi aton tiedën nitsinac caniec pistsëcquiocbuedi nuamboshë caniposh. Aid cuidin uicchun dadpen chochoec tabadtoneposh, quepanëdash Esus.

Ducas 17:7

Aden chiashic Esus: Min iua mimbi: Neshcata, cac nidshun neshcatansho: Nëbi cun iua obeca ista, cac naintanec shubuno chosho issun: Nëmbo tsadquin pec cho, ¿caquinda mimbi icpe?

Ducas 19:4

Adash: Nëid podquiedënquiobi Esus choec, quianec bëyuc titinquiash podquied cuëman nidquid cute icueda caidën dectatoash isnuec cuidin tsadpanëdash.

Ducas 7:13

Adec choec niante shubisho isash uënësquio icquin Esusën: Shubienquio yec ënëd, capanëdash.

Ducas 7:19

Esus yacno nidshun nadota: ¿Ubitedishun cainaid Nuquin Papan Chomiaidquiobida ne? cac: Padenquio, quesho: ¿Utsidambi caimpe? quequin chuitan, Uanën cac aid daëdi Esus yacno nidpanëdash.

Codinto 1 13:2

Nuquin Papan Mayanën namiaid icquin Nuquin Papan iuecshun natequid chiaid tantiaquin chuibanquid iquequi utsibobëd tantiananec tabadesa yec abenquiobi icquid ictsiabi. Nuquin Papan ambi matses tantiamenquio icpampid tantiaquid nebi, quebuedi utsibobëd tantiananec tabadesa yec abenquiobi icquid ictsiabi. Umbi chiac Nuquin Papa nadatiambocquid icquin mananuc macuësh tapa icbuedi manniactsiash, quequin tantiaquidquio iquequi utsibobëd tantiananec tabadesa yec abenquiobi icquid ictsiabi.