Ducas 17:22 - El Nuevo Testamento en matsés

²² Aden padiseobo chuishumbic abëd icquido nadopanëdash: Iuecash adquid icnuc: Abuc abëd tabadte uëshë chopashun, quec tabadquimbi Matsesën Tishaid yec ubi chosho iste bunquimbi mimbi ubi isenquio iquendac.

Ducas 17:22 ပူးပေါင်းရင်းမြစ်များ

Mateo 9:15

Esusën naden chuipondash: Aton chido bednun abi bednu quequidën abëd icquido pemec. Aden penu. Cho, cac chochoquin cuishonquequin isuidesa abëd icquido nec. Adbuedi iuecash chido inquid nibëdanan abëd icbuedon uënësquiocquin buna mëmunquin isuidpec. Adembidi ubi nibëdanan ubëd icquidon uënësquio icquin buna mëmunendac, quepondash Esus.

Madcos 2:20

Adbuedi iuecash chido inquid nibëdanan abëd icquidon uënësquiocquin buna mëmunendac.

Ducas 13:35

Adsho issun Nuquin Papan mibitedi nianquiendac. Adoac Nuquin Papa tabadte shubun matses nibëdquio iquendac. Ubi nidacsho mibitedishun ubi iuen isenquio iquendac. Adshumbic iuecshun mibitedishun: Ambi Chomiaid Nuquin Papan bëdambuen isaidquio bëdambo iquec, quequin ubi tantiec tabadnuc padpidec chouaindabi, quepanëdash Esus.

Ducas 5:35

Adbuedi iuecash chido inquid nibëdanan abëd icquidon uënësquiocquin buna mëmunquin isuidpec.

Uanën dada uaid 12:35

Adoaquien Esusën: Nadquid nebi, quenquio icquin utsi chiacbimbuen naden chuipondash: Mibi bëdambuen tantiamequid nëbi abi mibëd iqueque. Aid tantiata. Adbuedi uëshë budacbimbuec isadenquio yanendac. Aid nibëdnuc inchëshën tantienquio yec capuacbimbuen mimbi bëdambuen tantienquio iquendac.

Uanën dada uaid 13:33

Tantia. Umbi tantiaido yec cun mado caido icsho mibitedi chuinu. Mibëd iuec tabadenquio iquendabi. Umbi isadaidbon chuiquid tapabo chuibocpadombuembidi mibitsen chuiuanu. Ubi nidacsho nibënquin mibitedishun ubi istuidenquio iquendac. Ubi nidacno mibi nidtiapimbo iquendac.