Ducas 16:3 - El Nuevo Testamento en matsés

³ Aden chiaquien icbon: Cuna ista, caid otacquio onquec: Cun icbon: Nëbi cuna isquid mibi ictiapimbo iquec, caboc. ¿Atotsimbi napeba? Chonoadtiapictsëcquiocquid yec neshcashunquid ictiapimbo iquebi. Adecbidi: Cuna nibëdeque. Bec cho, quetiapimbo iquec dacuëduaibi.

Ducas 16:3 ပူးပေါင်းရင်းမြစ်များ

Mateo 20:8

Inchëshbudtsëqui tied icbon ambi: Chonoadquido isquid icta, caid naden chuiposh: Chonoadquido chomeshun piucquid menebanta. Tsiuec chobuedba menequin uëshë budtsëcnuc 3 icnuc chobuedo meneta. Adoshombic uëshë cuembo icnuc chobuedotsen. Adoshombic uëshë 9 icnuc chobuedotsen. Adoshombic badiadnubi abia chobuedo ënquimbi meneta, cac menequin tauaposh.

Madcos 10:46

Aden chiashic shubu dadpen icquid Edico caid yacno Esus abëd icquidobëd chochopanëdash. Adashic auëshquio nidannesho issun matses dadpenshunquio tsibanampanëdash. Adnubien Timeon mado Badtimeo cuëmëdquid bëshuaid onquec: Ubi piucquid mene, quiannequid podquied cuëman tsadpanëdash.

Ducas 12:17

Adec dadpenquio icsho isash tied icbo nadposh: ¿Mitsimbuembi aidtedi sauedshun dayun uapeba? queposh.

Ducas 16:2

Adoac ambi: Cuna ista, caid chomeshun icbon naden chuiposh: Mimbi: Cuna ista, caidën mitsana uesbudec, quequin mimbi naid chioshi. Aden chuisho tantiashun: Cuna isquid mibi icmetiapimbo iquebique. Nëbi mimbi naidtedi dada uashun ubi meneta. Mitsana nëidted piucquid menebanombi. Adembidi mitsana utsitedi menebanquin nëidted min piucquid bedombi, quequin chuiquin dada uabanshun ubi meneta, queposh icbo.

Ducas 16:20

Adnubien aidën shubu shëcuë cuëman bëshun tsadunac atona nibëdquid Dasado cuëmëdquid chiuë dadpen icquid tsadposh.

Ducas 16:22

Uëshë utsimbi atona nibëdquid Dasado uënësso issun Nuquin Papabëd icquidon abuc buanshun aton tsusedpa Abadauanën dayunquio tsadumposh. Adoambic atona dadpen icquidtsen uënësacsho chococaposh.

Ducas 16:4

Chicshunniac naden natsiambi, quequin tantiembi. Ma Cun icbona: Ma bëuanu, quequin meniondaidtedi chochomeshun nashunsho issun ubi iuedquin nashuntsiash, queposh.

Ducas 18:4

Aden chuidedniaqui abi chieshënquin icsambuen naquid cuidte chienquiocbuedëmbi chido ënëdenquio yec nidted nidtedquin adombuenuidi chuisho tantiashun: Nuquin Papa dacuëdënesa yec matses tantiesa nebi,

Uanën dada uaid 9:8

Adec bëdanash aton shubuno nidacsho issun aton shubu anoentsëc icquidobëtan isenquio tsadec: Piucquid bec cho, quesho isbued utsibon istuidpanëdash. Aden istuidash: Podquied cuëman tsadec: Piucquid bec cho, quesho nuqui isbuedquiobien niacbipec, cabededpanëdash.

Hechos 3:2

Ambo nidnubien dada caputiapimbo yec uishcaid puduedte Shëcuë Bëdaidquio quequin cuënaid yacno utsibon buanshun dectanaid icpanëdash. Aidi anin tishacchobi yec caputiapimbocquid nepanëdash. Adquid icsho badiadquidën badiadquidënquien buandednequin aid shëcuë cuëmano nanded nandedac uequimbi utsi utsiec chochosho issun: ¡Piucquid ubi mene! cabampanëdash.

Hechos 9:6

Nidtoanec shubu dadpen icquid Damasco yacno nidec nid. Amboshon umbi: Nata, cacpadombuen ambocquid mibi chuimembique. Nidec nid, capanëdash.

Tesadonica 2 3:11

Mibitedi caic: Utsi utsiec chonoadenquio yec tabadquin utsin icsambuen naiduidi chiec tabadosh, quequin chuisho tantiombi.