Ducas 16:26 - El Nuevo Testamento en matsés

²⁶ Adquid yec ëquëmbo mibi iquec. Nidaid tiadaid nuambo yec ëquëducquio icquid cuëma utsiuc potetiapimbo icnuc nëuëshquio nidtiapimbo iquec. Adquiobidi mibi yacnocquido nëmbo chotiapimbo icuaic, quequin Abadauanën atona dadpen icbued chuiposh.

Ducas 16:26 ပူးပေါင်းရင်းမြစ်များ

Mateo 25:46

Adoac aido icsambuec tabadquido ënenquio icquin cuidacnombo nidnubi bëdambuec tabadquido Nuquin Papa yacno ënëdenquio yec tabadendac, quequin Esusën chuipondash.

Ducas 12:59

Aden tsadunmiac mimbi icsambuen nabued cuidquin min piucquid uesquin meniambo yec quënë yacnouësh mibi puduentiapimbo iquendac, quepanëdash Esus.

Ducas 16:25

Adoaquien Abadauanën: Tantia. Chuinu, mado. Ënden nidaidën tabadquin mitsana dadpen bedbanec mibi tabadnubi Dasado cumapenec bunquiec tsadposh. Adbuedi nëbi aidi ubëd bëdambuec tabadnubi anchumbo yec mëyadec mibi tënquebudec.

Ducas 16:27

Adoaquien: Ubi yacno potetiapimbo icnuc cun pan shubu yacno Dasado nidmeta, papa.

Uanën dada uaid 3:36

Adoaid Aton Mado tantiaquido icsho Nuquin Papan abi yacno tabadmendac. Padnuen aton mado tantiesabo icsho Nuquin Papan abi yacno tabadmenquio icquin mëyadtequid yacno nidmequin cuidquiendac, quequin Uanën chuipanëdash.

Esusën Uan ismiaid 20:10

Adshumbic aido muaquin icsambuen namequidtsen Mayan Icsa Satanas bedshun aben icquid tapa acte ëquëducuësh chondaidbëta nidaid shëcuënuësh chondaid ënden nësecaondacnombobidi ënëdenquio yec chian annëdënquequid icsamboshë annuadquid yacno Mayan Icsa Satanastsen nënendac. Adoac ënëdenquio yec mëyadec aido tabadendac, quequin ismeposhi.

Esusën Uan ismiaid 22:11

Ma icsambuen naquidon ma adembidi icsambuen napanuna. Ma icsambuen tantiaquidon ambi icsambuen tantiacpadombuen napanuna. Ma bëdambuen naquidon ma adembidi bëdambuen napanuna. Nuquin Papa chiacpadombuen naquidën ma udictsëc Aid tantiaquin ambi chiacpadombuen napanuna, queposh Nuquin Papabëd icquid.