Ducas 16:21 - El Nuevo Testamento en matsés

²¹ Ambo tsadec atona dadpen icquidën pequin secaid bedshun pete bunquiec tsadposh. Adnubi opa choquin aton chiuë bëtashshuntuidposh.

Ducas 16:21 ပူးပေါင်းရင်းမြစ်များ

Mateo 15:27

Adsho tantiashumbien chidon: Ai, abimbo mimbi caic, Icbo. Padnuen icbon pequin paëdmiaid opan petsëcquid,

Madcos 7:28

Adsho tantiashien chido: Icbo, mimbi chiaid abimbo iquec. Padnuen aton bacuëbon pequin paëdmiaid cuëshëmpi opan petsëcquid, quepanëdash chido Esus chiec.

Ducas 16:20

Adnubien aidën shubu shëcuë cuëman bëshun tsadunac atona nibëdquid Dasado cuëmëdquid chiuë dadpen icquid tsadposh.

Ducas 16:22

Uëshë utsimbi atona nibëdquid Dasado uënësso issun Nuquin Papabëd icquidon abuc buanshun aton tsusedpa Abadauanën dayunquio tsadumposh. Adoambic atona dadpen icquidtsen uënësacsho chococaposh.

Uanën dada uaid 6:12

Aden ambi piactembi pebededambien Esusën abëd icquido chuiquin: Napi uaid mëyannushe. Sandoban, cac

Codinto 1 4:11

Ubitedi Esuquidistun: Chuibenneta, caido yec pete bunec tabadebi. Adecbidi acte bunequi tabadebi. Adecbidi dashcute abentsëqui icnuc natiec tabadebi. Adecbidi chieshëmënquidon natiamiaido nebi. Quenenash icte shubu nibëdquido nebi.

Codinto 2 11:27

Cuna bednuec iuec chonoadbudec uinmabudtedniondabi. Chieshtomenuen natiamededniondashi. Adecbidi ushenquio yec ushcasmadedniondabi. Adecbidi pete bunec acte bunquiondabi. Adecbidi dashcute utsi dasiuidte nibëdnuc iquenquiondabi.