Ducas 16:2 - El Nuevo Testamento en matsés

² Adoac ambi: Cuna ista, caid chomeshun icbon naden chuiposh: Mimbi: Cuna ista, caidën mitsana uesbudec, quequin mimbi naid chioshi. Aden chuisho tantiashun: Cuna isquid mibi icmetiapimbo iquebique. Nëbi mimbi naidtedi dada uashun ubi meneta. Mitsana nëidted piucquid menebanombi. Adembidi mitsana utsitedi menebanquin nëidted min piucquid bedombi, quequin chuiquin dada uabanshun ubi meneta, queposh icbo.

Ducas 16:2 ပူးပေါင်းရင်းမြစ်များ

Mateo 12:36

Ambi cuidte uëshëmbi Nuquin Papan: ¿Ada bëdambuen tantiaquin chiec onquedennio? quequin matses abitedi chuimendac.

Mateo 20:8

Inchëshbudtsëqui tied icbon ambi: Chonoadquido isquid icta, caid naden chuiposh: Chonoadquido chomeshun piucquid menebanta. Tsiuec chobuedba menequin uëshë budtsëcnuc 3 icnuc chobuedo meneta. Adoshombic uëshë cuembo icnuc chobuedotsen. Adoshombic uëshë 9 icnuc chobuedotsen. Adoshombic badiadnubi abia chobuedo ënquimbi meneta, cac menequin tauaposh.

Ducas 12:20

Adec onquesho tantiashun: Tantiesambo mibi nec. Adquid yec nëid inchëshëmbi mibi uënësec. Adec uënësan mimbi dadpen dayun uaid ¿tsuntsina nepatsiash? quequin Nuquin Papan atona dadpen icquid chuiposh, quepanëdash Esus.

Ducas 12:42

Adoaquien Esusën: Icbon chiac ¿mitsipadquidën ambi namiaido bëdambuen namepec? Adquid chuinu. Tantia. Pete tambanshun musucshun umbi namiaid utsitedi bëdambuen menebanta, quequin ambi namiaid abentsëc chianec icbo nidposh.

Ducas 16:1

Adshumbic abëd icquido Esusën naden utsi chiacbimbuen chuiuapanëdash: Dada atona dadpen icquid icposh. Aidën: Cuna dayun uaquin isquid icta, caid icposh. Adnubi utsibon: Mimbi: Cuna ista, caidën mitsana uesbudosh, quequin utsibon chuituidposh.

Ducas 16:3

Aden chiaquien icbon: Cuna ista, caid otacquio onquec: Cun icbon: Nëbi cuna isquid mibi ictiapimbo iquec, caboc. ¿Atotsimbi napeba? Chonoadtiapictsëcquiocquid yec neshcashunquid ictiapimbo iquebi. Adecbidi: Cuna nibëdeque. Bec cho, quetiapimbo iquec dacuëduaibi.

Doma 14:12

Adec abitedishun Icbo icquin ambi cuidte uëshën Nuquin Papan: ¿Enda? ¿Mitsipadec tabado? cabanac nuquitedishun nuqui naidtedi chuibanendac.

Codinto 1 1:11

Cun utsibo, mibitedi utsi utsiec chushcananec tabadosh, quequin chido Codoen shubun icquidon chuisho tantiombi.

Codinto 1 4:2

Aden Esus nashunquido icquin aidën chiacpadombuen nabanquin bëdambuen ismequidquio nendac.

Codinto 1 4:5

Adquid icnuc utsibo isquin: Aid Icsambuen naquid nec, cainda. Nuquin Icbo choshombien icsambocquid cuidendac, quequin aid cainta. Aidëmbi matsesën ompodshon naidbëta ëquëducshun tantiaid chuibanquin tantiameshun cuidendac. Adoshombic utsibo chuiquin: Mibi bëdambuec tabadoc, quequin abentse abentsen chuibanquin Nuquin Papan bëdambocquid menebanendac.

Codinto 2 5:10

Matsesën nabanaidtedi chuibante uëshë chonoc Nuquin Icbon nuqui nabanaidtedi chuibanendac, quequin tantiembi. Ambi chiacpaden naquido abëdi tabadmequimbic icsambuen naquido natiamequin cuidendac.

Timoteo 1 4:14

Ënden mibi mamishquin chiondaid ¿tantienquioda ique? Ënden Esus tantiaquidon chuiquid tapabon mibi mamishbededshobien Nuquin Papan Mayan Bëdan tantiamiac aidon mimbi chuibante naden chuipanëdash: Nuquin Papan Chiaid bëdambuen chuibanquid Timoteo iquendac, quequin chuipanëdash. Adoaid yec chieshtoenquio icquin chuibanquid icta, mado.

Timoteo 1 5:24

Tantia. Mibi padpiden chuinu. Ubëtan chuibanquid icta, canuen aidën naid utsibon naden chuisho tantiata. Aton matses ismequin icsambuen nasho: Icsambuen naquid nec, badedi catsiash aton matsesën. Utsimbic aton matses ismenquio icquin icsambuen nasho issun: Icsambuen naquid nec, quequin badedquio tantienquio icquin iuecshumbi chuisho tantiatsiash.

Petedo 1 4:10

Mibitedi utsi utsien Nuquin Papan ambi tantiamiacpadombuen namiaido icquin mibëtan Esus tantiaquid utsibotsen tantiaquin nashunta.

Petedo 1 4:5

Aden mibitedi icsambuen chuishunquido Nuquin Papan cuidendac. Cuidnumbi matsesën naidtedi tantiaquid icquin Nuquin Papan: ¿Mitsipaden nabano? ¿Ada bëdambuec tabado? cac uënësaidobëtan uënësabi icquidotedishun ambi nabanaidtedi uesquin chiendac.

Esusën Uan ismiaid 20:12

Adshumbic uënësaidotedi aton matsesën chuiquidobëd utsi chuiquidpenquio yec quec Nuquin Papa aton tsadte dapan tsadsho bëisec tabadposh. Adnubien dadauate dapan dada uabanaid isquin Nuquin Papan matsesën naidtedi abimbo chuibamposh cuidnumbi. Adshumbic abi tantiaquido abëdi tabadmete dada uaid tapa nec, caidën dada uabanaid isquin chuibamposh abëdi tabadmenumbi.