Ducas 16:11 - El Nuevo Testamento en matsés

¹¹ Adembidi nidaidënshun bedquin mibitedishun icsambuen naquin ampiacsho issun ¿tsuntsin: Bëdambocquid mibitedi neque. Cun piucquid dayunuaquin ista, capec?

Ducas 16:11 ပူးပေါင်းရင်းမြစ်များ

Mateo 6:24

Adshumbic naden Esusën chuipanëdash: Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid nainquiocquin mimbi aid chieshënec. Adquiobidi piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quequin Esusën chuipanëdash.

Ducas 12:33

Ambo nidabi icquin mitsana menebanquin min piucquid bedshun atona nibëdquido menebanta. Aden utsi tantiaquin mimbi nabannuc Nuquin Papan abi yacnoshon menetequid mitsana chodquetiapimbocquid yec ampen bedshuntiapimbocquid yec macumpin udquin icsa uatiapimbocquid yec quec iquendac.

Ducas 16:12

Adembidi utsina isquin bëdambuen dayun uainquio icsho ¿tsuntsin: Cuna dayun uata, quequin atonatedi menepadic?

Ducas 16:9

Adquid icnuc ubëd icquido icsho: Aden nata, quequin mibitedi chuinu. Min piucquid utsibo nashunquin bëdambuen tantiaquin menebanta. Aden mimbi uesadtequid icshobi meniannequid yec uënësacsho Nuquin Papan abi yacno mibitedi bëdambuen isquin ënëdenquiocnoc abëdi tabadmendac, quepanëdash Esus.

Ducas 18:22

Aden chuisho tantiashun: Abentsëc mimbi nabicquid iqueque. Mimbi dayun uaidtedi uesquin menequin piucquid bedta. Aden piucquid bedshun atona nibëdquido mitsana uesquin menebanta. Adosho issun abëd tabadmenun Nuquin Papan mibi bëdambuen istsiashe. Adota. Adotanec ubëd iquec cho, capanëdash Esusën.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Esusën Uan ismiaid 3:18

Adquid icsho mibi chuinu. Tantia: Ubi tantiaquid icnuen bëchish nibëdquiocnoc cute nëdënquequidën dapichicac bëdamboshëcquid icsho cun shocosh piu piupactsëcquid odo caid bedta. Adosho mibi mitsana dadpenquiocquid icmendambi. Ubi tantiaquid icquin dashcute nibëdquio icbuedi bëchish nibëdquiocquid cun dashcute ushumboshë icquid dasiuidnun bedash aid dasiuidash mibi dacuëdenquio iquendac. Ubi tantiaquid icquin cun dauë bëpasquenun bed. Adshun mimbi bëdambuen isquin umbi naid tantiendac.