Ducas 15:20 - El Nuevo Testamento en matsés

²⁰ abibi quianec aton papa yacno chouaposh. Adec choec ancuenquio yacno aton mado nidondaid casenash chosho isash uënësquiocnoc aton mado bëquedbanec titinquequin dayumbudshun shubi uatanquin aton papan tanchoccaposh.

Ducas 15:20 ပူးပေါင်းရင်းမြစ်များ

Ducas 15:19

Adquid icsho: Cun mado nec, ubi cainda papa. Nëbi min iuapadquid ubi icme, quequin chiembi,

Ducas 15:21

Adoac ambi tantiabocpaden aton papa chiec: Papa, Nuquin Papan Chiaid niacquimbi mimbi chiaidtsen niacquin icsambuen nabanombi. Aden naquid icsho: Cun mado nec, ubi cainda, papa, caposh aton madon.

Hechos 2:39

Adembidi abi tantiasho issun mibitedibëta min bacuëbo menendac. Adembidi nidaidtedi yacnocquid Nuquin Icbo Nuquin Papa bunacpaden Esus tantiasho issun aton Mayan Bëdambocquid meneuaindac ambi chiampicpaden, quepanëdash Petedo.

Hechos 20:37

Aden Nuquin Papa chiec onqueshumbic abitedishun: Uënësquiocnoc chiosh, quequin tantiec shubiquimbi Pabado dayumbededquin tanchoccapondash.

Epeso 2:13

Ënden Nuquin Papa tantiesa yec uannombo mibitedi tabadpondac. Adbuedi nëbi Esuquidistu aton intac chididiquec abided cuidadec uënësaid tantiaquid yec aidbëd abentsëc yacbimbuec tabadquid yanash Nuquin Papabëd tabadtequido mibitedi nendac.

Epeso 2:17

Ambi Nuquin Papa bëdambuen ismete Chiaid Bëda matses abitedi chuibennenuec Esuquidistu chopanëdash. Mibitedi Nuquin Papa tantiesabo yec uannombo icpondac. Padnuen ubitedi Nuquin Papa tantiaquido yec aton dayuntsëqui tabadacbimbuec icpondac. Adquido abitedi chuibannuec chopanëdash.