Ducas 14:7 - El Nuevo Testamento en matsés

⁷ Ambobi tsadquin: Pec nidta, caido chochoash: Chuiquidën tsadten tsadnu, quequinuidtsëqui tantiec tabadsho issun Esusën naden chuipanëdash:

Ducas 14:7 ပူးပေါင်းရင်းမြစ်များ

Mateo 13:34

Cuembo chienquio icquin utsi chiacbimbuenuidi Esusën matses dadpen chuibampondash.

Mateo 23:6

Chuiquid tapa nec, cameteuidi bunec. Isedec puduedash: Chuiquid tapa icsho icbon abëdi tsadmequid, quiash icbobëduidi tsadte bunquiec. Nuquin Papan Chiaid chuibante shubun puduedash: Chuiquid tapambo nec, camenuec utsibobëd tsadenquio yec chuiquid tapabobëdi tsadte bunec.

Ducas 11:43

Adembidi: Ma ubi chuiquid tapabimbuec capusho mabi bëdambuen isnu, quequin tantiec Nuquin Papan Chiaid chuibante shubun puduedash chuiquid tapa tsadacno mibi tsadtednepec. Adombuembidi tantiec matses iccuededacno nidequi: Chuiquid tapabimbuec capusho bëquedshun mabi bëdambuen chuinu, quec mibi capupec. Aden tantiaquid icsho Nuquin Papan cuidtequidombo mibitedi nendac.

Ducas 20:46

Moisesën chiampid tantiamequidopadquid iquenda. Aido: Mabi chuiquid tapabimbuecsho utsibon isnu, quequin tantiec chuiquid dasiuidacpadec dashcute ënapen icquid dasiuidcuededec. Adecbidi matses dadpen iccuededacno nidash capuequi: Ma ubi bëquedquidontsen ubi chuiquid tapabimbuecsho issun: Mibi bëdambo iquec, quequin mabi chuinu, quec tsadpec. Adombuembidi tantiec Nuquin Papan Chiaid chuibante shubun puduedash: Chuiquid tapabimbuecsho mabi isnu, quec chuiquido tabadacno tsadtednepec. Adombuembidi tantiec: Pec cho, cac chosho isash chuiquid tapabimbuecsho ma ubi bëdambuen isnu, quec tsësiobo tabadacno tsadtednepec. Aidon nacpadombuen nainda.

Pidipos 2:3

Utsibon mibi chieshënquin nacpaden nainda. Ubiuidtsëqui bëdamboshë iquebique. Cunauidtsëqui nanu, quec mibiuidtsëqui tantiadec tabadenda. Adec tabadenquio yec: Ubi bëdapabi icnuc utsibo bëdamboshëcquido neque. Nashunnu, quec bëdambuec tabadta.

Uan 3 1:9

Mibëd iccuededquido chuiquin dada uaondambi. Aden umbi dada uaid isash: Umbentsëqui namembi, quec Diotedepes chieshëmëmpondash. Aidi ubëd icquidon: Naden nata, quequin chiaid tantiate bunesa nec.