Ducas 14:35 - El Nuevo Testamento en matsés

³⁵ Adquid icsho nidaidbëta daëd uashun utsitedi nabannun dayun uanu, quenquio icquin secatequid nendac. Pabiate shëcuë choquidën umbi chuibued bëdambuen tantiata, quepanëdash Esus.

Ducas 14:35 ပူးပေါင်းရင်းမြစ်များ

Mateo 11:15

Pabiate shëcuë choquidën Umbi Chiaid bëdambuen tantiata, quepondash Esus abi datsidadquido chiec.

Mateo 13:9

Aden chiashic: Umbi chuibambued pabiate shëcuë choquidën bëdambuen tantiata, quepondash Esus.

Madcos 4:23

Aden chiashic: Pabiate shëcuë choquidën Umbi Chiaid bëdambuen tantiata, queuapanëdash Esus.

Ducas 13:8

Adoaquien abi taneshcashunquidën: Icbo, bacuëesa ubi dëdshunnemenda. Naden ubi nameta, icbo. Cute bacuëesa tacheshcatanquin seta abentsëc matanmequin nidaid chëshë chodquiaid ubi bëdambuen tasecameta.

Ducas 8:8

Utsibic nidaid bëdambo yacno paëdaid dëyucash caniash dadpen bacuëash 100ted ëshë icquid icposh, quepanëdash Esus. Aden chuibanashic cumapenec cuëdec: Pabiate shëcuë choquidën Umbi Chiaid bëdambuen tantiata, quepanëdash Esus.

Ducas 9:44

Tantia. Chuinu. Bëshunenquio icquin bëdambuen tantiaquiota. Matsesën Tishaid icsho ubi chieshënquido ubi bedmendac, quepanëdash Esus.

Uanën dada uaid 15:6

Uba icbon cuidi utsi utsiec bacuëesa icsho pateshun tsindoshon tanunacsho nëdëncaquid. Adoacbimbuen ubi tantienquio yanec ubëd cuëshëdshun utsibo ubi tantiamenquio icsho Nuquin Papan icsambuen naquido cuidacno nësecaindac, quepondash Esus.

Esusën Uan ismiaid 2:11

Nëbi ubi tantiaquido utsibotsen chuinu. Umbi chuibocpadombuen Cun Mayanën mibitsen tantiametsiashe. Bëdambuen tantiate bunquin umbi chuibued tantiata. Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmenun mibi uënësso icsaido cuidacno mibi nësecainquio iquendambi, quequin umbi chuibued dada uata, quequin Esusën chuiposhi.

Esusën Uan ismiaid 2:17

Nëbi ubi tantiaquido utsibotsen chuinu. Umbi chuibocpadombuembidi cun Mayanën mibitsen tantiametsiashe. Bëdambuen tantiate bunquin umbi chuibued tantiata. Mayan Icsa Satanasën: Icsamenu, caqui chieshtoenquio icquin ubi tantiasho issun: Ma penu, queshun ompoampidi mana caid menendambi. Adoshombic cuënote ushumbocquidën abi cuëmëdquid icnubi cuëmëdquid chuca uaquin cuënquin aid cuënoten dada uatanquin menendambi. Ma umbi menebuedënuidtsëqui isnu, quequin adoendambi, quequin umbi chuibued dada uata, quequin Esusën chuiposhi.

Esusën Uan ismiaid 2:29

Nëbi ubi tantiaquido utsibotsen chuinu. Umbi chuibocpadombuen cun Mayanën mibitsen tantiametsiashe. Bëdambuen tantiate bunquin umbi chuibued tantiata, quequin Esusën chuiposhi.

Esusën Uan ismiaid 2:7

Nëbi ubi tantiaquido utsibotsen chuinu. Umbi chuibocpadombuen cun Mayanën mibitsen tantiametsiashe. Bëdambuen tantiate bunquin Umbi Chiaid tantiata. Mayan Icsa Satanasën: Icsamenu, caqui chieshtoenquio icquin ubi tantiasho ubëdi tabadmendambi. Nuquin Papa bëdamboshëcquid yacno nitsinaid cute bacuë uënëstiapimbo icmetequid chemendambi, quequin umbi chuibued dada uata, quequin Esusën chuiposhi.