Ducas 14:15 - El Nuevo Testamento en matsés

¹⁵ Aden Esusën chuisho tantiash abëtan pec tsadquid abentsëc: Nuquin Papan namiacno nidshun aidbëtan pec bëdambo icmiaid iquendac, quepanëdash.

Ducas 14:15 ပူးပေါင်းရင်းမြစ်များ

Mateo 25:10

Adoac bëchi bedec nidambien chido bedtanec dada choposh. Chosho isash bëdambuen tantiaquido aton tabote taboshon chido bedtanec choquid bëquedash aidobëd nidposh. Adash puduedshun puduedtiapimbo icnuc shëcuë bëtashte shëcnandoposh.

Mateo 8:11

Tantia. Chuinu. Matses utsi icquimbi sondadon chuiquid tapan ubi tantiec. Adec nidaid utsi utsiec yacnocquido isadaidpembo ubi tantiaquido yanash uëshë choacmiuësh choec Nuquin Papan namiacno puduedtequid iquendac. Adecbidi uëshë nidacmiuësh choec puduedtequid icuaindac. Adash isadaidbon tsusedpabo Abadauan yec Isac yec Acobo yec quec aidobëd pec tabadendac.

Ducas 12:37

Aden ushenquio icquin abi cainsho istuidshun aton icbon bëdambo icmequin nadoposh: Umbimbo mibi pemenu. Nëmbo tabadec cho, queshun ambi iuaido pemequin bëdambo icmendac.

Ducas 13:29

Adnubien Nuquin Papan namiacnombo tabadnuec abi tantiaquido nidaid utsi utsiec yacnouësh choendac. Uëshë choacmiuësh utsibo dadpenquio chochonobi nodte yaucuësh chochonobi sud yaucuësh chochonobi uëshë budacmiuësh chochoshon peshun aquec tabadendac.

Ducas 22:16

Adshumbic isadaidbon bacuëbo uënësmenquio yampid tantiaquin obeca cuessunneshun nuqui pebededacpadombuen mibëtambi nidaidënshun padpiden penquio iquendambi. Adshumbic Nuquin Papan chiampicpadombuen nainshun aidën namiacnoshon pendambi, quepanëdash Esus.

Ducas 22:30

Aden isadaidbo chuiquido icmiac ubëd icquin ubëtambi peshun aquec mibitedi tabadendac. Chuiquid icquin abuc tsadte icquidën tsadquin Acobon mado 12 ted icpampidën tsiuecquidon tsiuecquidonquien mibitedi namequid iquendac, quepanëdash Esus abëd icquido chiec.

Esusën Uan ismiaid 19:9

Adnubi Nuquin Papabëd icquidën naden chuiuaposhi: Isadaidbon aton chido bedquin aton matses chochomiash pemec cuishonquec bëdambuec tabadquid. Adembidi abi tantiaquido Obecabimbuecquidën beduanshun abi yacno tabadmendac. Adoac cuishonquequiec tabadendac, quequin chuiquin dada uata, caposhi. Adtanequic: Abimbo caimbi. Nuquin Papan Chiaidquio chiec nebi, queposh Nuquin Papabëd icquid.