Ducas 14:12 - El Nuevo Testamento en matsés

¹² Aden aido chiashic abi iuedquid caic Esus nadpanëdash: Pemenu, quequin mimbi tantiaido yec mibëd icquid yec min utsibo yec atona dadpen icquido yec quequidouidi pec nidta, cainda. Aido pemiac adembidi mibi: Pec nidta, cauaindac.

Ducas 14:12 ပူးပေါင်းရင်းမြစ်များ

Mateo 5:46

¿Mibëd tantiananquidouidtsëqui tantiaquin mimbi nashunsho issunda Nuquin Papan: Bëdambo iquec, queshun mibi nashumpec? Padenquio. Mimbi: Icsambo icquido nec, caid piucquid bedshumënquidombien aton shubun icquidouidtsëqui tantiaquin nashuneque. Aden nainda. Utsibotsen tantiaquin bëdambuen nashunta.

Ducas 1:53

Atona nibëdquido bunec tabadsho issun Nuquin Papan nashunendac. Atona dadpen icquid atona nibëdquio icmeshunendac.

Ducas 1:58

Aden bacuë tishenquio icbuedëmbi Nuquin Icbon bëdambuen isaid icquin nëbi aton bacuë tishosh, quesho tantiash aton matsesadobëd shubu utsin icquidotedi Isabedbëd cuishonquec bëdambo icpanëdash.

Ducas 14:11

Utsien abibi tantiadec: Ubiuidtsëqui bëdambo iquebi, quequin utsibo ismenuenuidi naquido Nuquin Papan: Icsambo iquec, caindac. Padnuen utsi Nuquin Papan chiacpadombuen naquin utsibo nashunquid yec utsibo ismeteuidi bunenquio icsho Nuquin Papan: Bëdambo iquec, caindac, quepanëdash Esus abëta iuedaido chiec.

Ducas 14:13

Pemenu, quequin atona nibëdquido yec caputiapimbocquido yec tidinquequido yec bëshuaido yec quenuc: Pec nidta, cata.

Codinto 2 6:13

Amën aton bacuëbo chiacbimbuen mibi chiec nebi. Ubi tantiaquioquin mimbi naidbëta mimbi tantiaid ompoenquio icquin ubi chuiban, caimbi.