Ducas 14:11 - El Nuevo Testamento en matsés

¹¹ Utsien abibi tantiadec: Ubiuidtsëqui bëdambo iquebi, quequin utsibo ismenuenuidi naquido Nuquin Papan: Icsambo iquec, caindac. Padnuen utsi Nuquin Papan chiacpadombuen naquin utsibo nashunquid yec utsibo ismeteuidi bunenquio icsho Nuquin Papan: Bëdambo iquec, caindac, quepanëdash Esus abëta iuedaido chiec.

Ducas 14:11 ပူးပေါင်းရင်းမြစ်များ

Mateo 23:12

Utsien abibi tantiadec: Ubiuidtsëqui bëdambo iquebi, quequin utsibo ismenuenuidi naquido Nuquin Papan: Icsambo iquec, caindac. Padnuen utsi Nuquin Papan chiacpadombuen naquin utsibo nashunquid yec utsibo ismeteuidi bunenquio icsho Nuquin Papan: Bëdambo iquec, caindac, quepondash Esus abi datsidadquido chiec.

Ducas 1:51

Nadatiambocquin nadednequidquio Nuquin Papa nec. Adquid icquin matses: Umbentsëqui namequid nebi, quequid icsho issun Nuquin Papan aid namenquio iquendac.

Ducas 1:52

Matses chuiquid tapa icbuedobi dëniacshun namendac. Utsin namiaid icbuedi chuiquid tapa Nuquin Papan icmendac.

Ducas 14:12

Aden aido chiashic abi iuedquid caic Esus nadpanëdash: Pemenu, quequin mimbi tantiaido yec mibëd icquid yec min utsibo yec atona dadpen icquido yec quequidouidi pec nidta, cainda. Aido pemiac adembidi mibi: Pec nidta, cauaindac.

Ducas 18:14

Aden chiashic: Tantia. Chuinu. Aton matsesën piucquid bedshunquid Nuquin Papan bëdambuen isaidquio icnubien padiseobo ambi icsambuen isaidquio icposh. Aidi icsambuen naisabimbuec: Bëdambocquid nebi, quequid Nuquin Papan bëdambuen istiapimbo iquendac. Padnuen: Icsambocquid nebi, quequid Nuquin Papan bëdambuen isaid iquendac, quepanëdash Esus.

Santiaco 1:9

Esus tantiaquid atona nibëdquid icsho Nuquin Papan: Mibi bëdambo iquec, caindac. Adoac: Nuquin Papan bëdambo icmiaid nebi, quendac.

Santiaco 4:10

Icsambocquid nebi, Icbo. Mimbi chiacpadec tabadte bunebi, quiash bëdambuec tabadquid icsho utsibo ismequin: Nëid bëdambocquid nec, caindac.

Santiaco 4:6

Aidëmbi nuquitedi tantiaquioquin nashunec. Adquid icnuc Nuquin Papan dada uamiampid nad iquec: Utsibo tantienquio icquin aton nauidtsëqui nasho: Icsambo iquec, caindac Nuquin Papan. Utsimbien atonauidtsëqui tantienquio icquin utsibotsen tantiaquin nashunsho Nuquin Papan bëdambuen isquin nashunendac, quequin chuiquin dada uamepampic.

Petedo 1 5:5

Tantia, caniabo. Mibitsen chuinu. Min chuiquid tapa Esus tantiaquido chuibanquid neque. Aidën chiaid niaquenquio icquin nabanta. Ubi nashunta, quec chuinanec nashunnanta. Umbi tantiacpadembi naimbi, quenquio icquin utsin chiacpadombuentsen nabanta. Adquid Nuquin Papan chuiquin naden dada uamiampid iquec: Utsibo tantienquio icquin aton nauidtsëqui nasho: Icsambo iquec, caindambi. Utsimbien atonauidtsëqui tantienquio icquin utsibotsen tantiaquin nashunsho Nuquin Papan: Aid bëdambuen isquin nashunendambi, quequin chuiquin dada uamepampic.

Petedo 1 5:6

Aden atonauidtsëqui tantienquio icquin nabanquid icsho issun nadatiambo icquid yec abitedishun Icbombo icquin Ambi tantiacpadën utsibo ismequin: Ubi tantiaquidquio mibi neque. Ubëdi tabadec cho, caindac Nuquin Papan.