Ducas 13:24 - El Nuevo Testamento en matsés

²⁴ Nuquin Papa yacno puduedtequid shëcuë pistsëcquio iquendac. Aidëmpinquio puduednun Nuquin Papa tantiec bëdambuec tabadta. Utsibo dadpen puduedte bunequi ambi tantiaid utsi icnuc tsucusec puduedtiapimbo iquendac.

Ducas 13:24 ပူးပေါင်းရင်းမြစ်များ

Mateo 11:12

Acten mentoanquid Uanën tauaquin chuibansho cumapenen chieshënnëdacpadombuembidi umbi: Nuquin Papan namiacno tabadte iquec, quequin nëbi chuibansho: Ënmenu, caqui ënmetiapimbo iquendac.

Ducas 13:23

Aden chuibansho tantiashun iccuededquid abentsëcshun: Icbo, Nuquin Papa yacno tabadec ¿matses daëdpactsëcta nidpec? capanëdash. Adoaquien Esus:

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Uanën dada uaid 13:33

Tantia. Umbi tantiaido yec cun mado caido icsho mibitedi chuinu. Mibëd iuec tabadenquio iquendabi. Umbi isadaidbon chuiquid tapabo chuibocpadombuembidi mibitsen chuiuanu. Ubi nidacsho nibënquin mibitedishun ubi istuidenquio iquendac. Ubi nidacno mibi nidtiapimbo iquendac.

Uanën dada uaid 5:4

Iuecquio ictannequin Nuquin Papan abëd icquid abi yacnoshon budmiaidën tëccuascaid acten abia mentoadquid bëdanquid, quedenneque. Chianëmpi tëccuascaic ma chobono, quiash cainec tabadpondash.

Uanën dada uaid 6:27

Peteuidtsëqui tantiaquin pete bednuen naquidquio mibi nec. Aidquio chodquetequid neque. Chodquetiapimbo icquid tantiaquin bëdambuen nata. Aden nash Nuquin Papabëd ënëdenquio yec tabadtequid mibi yantsiandac. Nuquin Papan: Umbi chomiaidquio yec Matsesën Tishaid neque. Ismenu, quequin Aidën namiacpadombuen mibi ismequin nadatiambocquin nabanombi, quepondash Esus.

Uanën dada uaid 7:34

Ubi nibënquin istuidenquio mimbi iquendac. Ubi nidacno mibitedi nidtiapimbo iquendac, quepondash Esus.

Uanën dada uaid 8:21

Adshumbic padpidembuen Esusën chuipondash: Nidendabi. Ubi nidacsho nibënquin mimbi ubi istuidenquio iquendac. Ambi chiaid niac niacquido icsho Nuquin Papan bëdambuen isambobi mibitedi uënësendac. Adash ubi nidacno mibitedi nidtiapimbo iquendac, quequin Esusën chuipondash.

Doma 10:3

Nuquin Papa matses bëdambuen iste bunquid nec, quequin tantiatiadquidi isadaidbon tantienquio iquec. Aidon: Ambi chiacpadombuen naquin umbimbo bëdambuen ismembi, quequin tantiaquimbi Nuquin Papan: Umbi chiacpadombuen nasho icsaisabimbuecnuc bëdambuen isendambi, quequin chiaid tantienquio iquec.

Codosas 1:29

Adquid mibitedi icmenuen badiadquidën badiadquidënquien Esuquidistu nadatiambocquidën namiac uidënquio yec chieshtoenquio icquin chuibennec nebi.

Ebedeo 4:11

Nuquin Papabëd tabadtequid nebi, quequin tantiaquin Esuquidistu tantiaquionona. Nuquin Papan Chiaid tantiesa yanash tsusedpabo Nuquin Papan chiacno tabadambo yampicpadecbidi tabadtiapimbo icmane, queshun aid tantiaquionona.

Petedo 2 1:10

Tantia. Cun utsibo, mibitedi chuinu. Nuquin Papan: Cun matses canu, quequin Esus tantiamiaido mibitedi nec. Aden tantiamiaido icquin cute tapun nidaid ëquëducquio nidacbimbuen aid ënenquio icquin tantiaquid yec Esus tantiesa mibi yanuainquio iquendac.