Ducas 13:11 - El Nuevo Testamento en matsés

¹¹ Aden chuibannubien ambobi seta dadpen 18ted matanmequin podobitsi icsan cashuabudac cacuetiapimbocquid chido icpanëdash.

Ducas 13:11 ပူးပေါင်းရင်းမြစ်များ

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Madcos 9:21

Adsho istanquin Esusën madompin papa naden chuipanëdash: ¿Tedtsi seta matanmec adquid nec? Tantianu. Ubi chui, capanëdash Esusën. Adoaquien: Bacuëmpi ictsequi taondaid nec.

Ducas 13:12

Adquid icsho istanquin Esusën: Nëmbo cho, catanquin: Cashuabudaid icbuedi nëbi cacue uaid mibi iquendac, catanquin

Ducas 13:16

¿Aden chonoadtemaid uëshën mimbi min iua acte acmenun chicacbimbuen nëid uëshëmbidi chido min matses Abadauanën tsiuecquidbidi dadpen seta 18ted matanmequin Mayan Icsa Satanasën iuaid icsho mënchiquenquiodambi icpe? quepanëdash Esus: Nëid uëshëmbi bëdamenuec chochoenda, quequid tantiamequin chiec.

Ducas 21:28

Adquidtedi yansho issun: Nuquin Papa yacno ubi iuedte uëshë anoentsëqui yanec, quequin ënenquio icquin Nuquin Papa tantiaquin abuc istedneta, quepanëdash Esus.

Ducas 8:2

Adecbidi tsibananec chidobo nidpanëdash. Ambi podobitsi icsa dapuduenmiaidobëtan ambi nënsho bëdanmiaidon Esus tsibanampanëdash. Aden Madia Macdadena cuënaidën Esus tsibanampanëdash. Aidi podobitsi icsa 7ted dapuduedaid icsho Esusën dapuduenmebued nepanëdash.

Ducas 8:27

Ambo nidash pudundosho isash podobitsi icsa dadpen dapuduedaid dada Esus bëquedec chopanëdash. Aidi shubu dadpen yacno iccondaidi uanno uënësaid chococate cuënote shëcuën tsadcuennequid yec dashcute dasiuidenquio icpanëdash.

Ducas 8:43

Adnubien chido seta 12ted matanmec intac mëyanec nacchoadec bëdanenquiocquid chopanëdash. Aidi dauëchoquid aton piucquid uesquin menianniaqui bëdanmenquio icpanëdash.

Hechos 3:2

Ambo nidnubien dada caputiapimbo yec uishcaid puduedte Shëcuë Bëdaidquio quequin cuënaid yacno utsibon buanshun dectanaid icpanëdash. Aidi anin tishacchobi yec caputiapimbocquid nepanëdash. Adquid icsho badiadquidën badiadquidënquien buandednequin aid shëcuë cuëmano nanded nandedac uequimbi utsi utsiec chochosho issun: ¡Piucquid ubi mene! cabampanëdash.