Ducas 12:42 - El Nuevo Testamento en matsés

⁴² Adoaquien Esusën: Icbon chiac ¿mitsipadquidën ambi namiaido bëdambuen namepec? Adquid chuinu. Tantia. Pete tambanshun musucshun umbi namiaid utsitedi bëdambuen menebanta, quequin ambi namiaid abentsëc chianec icbo nidposh.

Ducas 12:42 ပူးပေါင်းရင်းမြစ်များ

Mateo 13:52

Adsho tantiashun Esusën ubitedi naden chuipondash: Nuquin Papan Chiampid tantiamequid utsibo chuiquin: Nuquin Papan namiacno tabadtequid iquec, quequin tantiaquid yanshun naden chiendac: Matsesën atona ëndenquimbo ambi dayun uanëdaidbëta nëbi chuca icquid ismequin utsi utsien chicacbimbuen chiendac. Nuquin Papan Chiaid ëndenquimbo dada uampidbëtabi Nuquin Papan Chiaid chuca umbi chuibambuedquio mibitedishun chuibanendac, quepondash Esus.

Mateo 20:8

Inchëshbudtsëqui tied icbon ambi: Chonoadquido isquid icta, caid naden chuiposh: Chonoadquido chomeshun piucquid menebanta. Tsiuec chobuedba menequin uëshë budtsëcnuc 3 icnuc chobuedo meneta. Adoshombic uëshë cuembo icnuc chobuedotsen. Adoshombic uëshë 9 icnuc chobuedotsen. Adoshombic badiadnubi abia chobuedo ënquimbi meneta, cac menequin tauaposh.

Ducas 12:43

Adec nidashic aton icbo chouashun ambi chiacpadombuen ambi namiaidën nasho istuidshun: Bëdambo iquec, caindac.

Ducas 7:13

Adec choec niante shubisho isash uënësquio icquin Esusën: Shubienquio yec ënëd, capanëdash.

Ducas 7:19

Esus yacno nidshun nadota: ¿Ubitedishun cainaid Nuquin Papan Chomiaidquiobida ne? cac: Padenquio, quesho: ¿Utsidambi caimpe? quequin chuitan, Uanën cac aid daëdi Esus yacno nidpanëdash.

Hechos 20:28

Nëbi nidebique. Ubi nidan chieshtoenquio icquin Esus tantiec bëdambuec tabadta. Adembidi mimbi chuibanaido Esus tantiaquido chuiquin: Chieshtoenda. Esus tantiec bëdambuec tabadta, cadednequin bëdambuen chuibanta. Nuquin Papan Mayan Bëdan aido chuibanquid mibitedi icmioshe. Adota. Aido Nuquin Papa yacno tabadmenuec Esuquidistu abided cuidadec intac mëyanec uënëspanëdash.

Timoteo 1 3:15

Esus tantiaquido iccuededquin nadoquid, quequin Pabadon chiacpadombuen nanuna, cata. Nuquin Papambo uënëstiapimbocquidtsen tantiaquido nuqui nec. Aid tantiaquido icquin Nuquin Papan Chiaid utsi uaquin chienquio icquin aid abimbo chuiquid icquin ambi chiacpadombuen naquid nuqui nendac, quequin chuita.

Timoteo 1 5:17

Tantia, mado. Esus tantiaquidon abi chuibanquid nashuntetsen mibi chuinu. ¿Ada Esus chuibanquidën bëdambuen naosh? Adquidën Nuquin Papan Chiaid bëdambuen tantiamequin Esus bëdambuen chuibansho ambi chuibanaidon bëdambuen isquin nashunquin dadpen menequid nendac. Ma bëdambo icnu, queshun piucquid menequid nendac.

Timoteo 2 4:2

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.

Tito 1:7

Abëtan Esus tantiaquido namequid Nuquin Papan icmiaid yec bëdambuec tabadquid nendac. Utsin: Icsambuen naquid nec, cacmaid nendac. Utsibon chiaid tantienquio icquin ambi tantiaiduidi naquidpenquio nendac. Badedquio nëishesa nendac. Adecbidi tantiadennuen acte paë uaid aquesa nendac. Adecbidi cuesnante bunesa nendac. Adecbidi atona dadpen bednuec muaquidpenquio nendac.

Ebedeo 13:17

Mibi Esus chuibanquidon chiacpaden nabanta. Nuquin Papan: Chieshtoenquio icquin ubi tantiaquido bëdambuen isquin dayun uata, caid nec. Aidi: Esus tantiaquido naden namiombi, quequin Nuquin Papa chuiquid nec. Ubi chuibanquid nec, queshun ambi chiacpadombuen mibitedishun nabansho isash aid cuishonquec. Aden ambi chiacpadombuen nainquiocsho isash uënësquio ictsiash. Adnuc mibitedi bëdambo ictiapimbo ictsiac.

Ebedeo 13:7

Adembidi Nuquin Papan Chiaid mibi tantiamenu, quequin mibi chuibanquidon chiaid bëshunenda. Aido Esus tantiaquiec bëdambuec tabadpanëdash. Aidon tantianëdacpadombuen tantiec bëdambuec tabaduata.

Ebedeo 3:5

Adquid icquin Nuquin Papan namiac aton iuambo Moises Ambi cun matses caido nashunquidquio icpampic. Adembidi Nuquin Papan ambi chuite tantiamequin oncamiac nuquin matses Nuquin Papan nate chuibampampic.

Petedo 1 4:10

Mibitedi utsi utsien Nuquin Papan ambi tantiamiacpadombuen namiaido icquin mibëtan Esus tantiaquid utsibotsen tantiaquin nashunta.