Ducas 12:39 - El Nuevo Testamento en matsés

³⁹ Tantia. Chuinu. ¿Nëbi ampequid choshon ampec, quequinda shubu icbon tantiapadic? Padenquio. Tantiaquidënquien: Ampe choshon cuna bedtsiash, queshun atona bëdambuen isquin ampemenquio ictsiash.

Ducas 12:39 ပူးပေါင်းရင်းမြစ်များ

Mateo 24:42

Aden umbi chuibued tantiashun: ¿Nëbida cun Icbo chopeba? quequin ënenquio icquin ubi tantiata. Ubi chote uëshë mibitedishun tantienquio iqueque.

Mateo 6:19

Adshumbic padpiden Esusën naden chuibampanëdash: Mimbi nidaidënshun bedaid dayun uateuidi tantienda. Dayun uatequid nadquid nec. Chodquetequid yec macun pequin icsa uatequid yec shënibudtequid yec utsibon ampeshuntequid yec quec nibëdantequid neque. Adquiduidi tantienda.

Petedo 2 3:10

Adnubien matses: Nëbi choec, quenquio icnubi Esus badedquio choendac. ¿Nëid uëshëmbi ampequidën cuna bedec choec, quequinda tantiapec? Padenquio. Adacbimbuec: Nëbi choec, quequin tantienquio icnubi Esus choendac. Choshon acquimbuen toncac abitedi nibëdanendac. Uispa yec inchëshën uëshë yec badiadën uëshë yec quec icbuedi nibëdquiecnuc nëdëncaindac. Nidaid abichobimbo nëdënquenuc aidën icquidtedi pichiquendac nibëdquio yec.

Esusën Uan ismiaid 16:15

Aden ismebocshobi Esusënquio naden chuiposhi: Mimbi: Nëbimbobi aid choec, cacmaidquio ampe choacbimbuec choendabi. Ushenquio yacbimbuen ubi ënenquio icquin tantiec dashcute dasiuidacbimbuec icta. Dashcute dasiuidambo icsho icsambuen isnushe, quiash dasiuidacbimbuec icta, quequin chuiposhi.

Esusën Uan ismiaid 3:3

Mimbi umbi naid chuibansho tantiabenondacpadombuen ubi padpiden tantiabenuata. Bëshunenda. Nëbi mibi icsaid ënshun umbi chiacpadombuen nauata. Isucunenquio yacbimbuen ubi padpiden tantienquio icshoembi mibi cuidendac. Ampequid choec, quequin tantienquio yacbimbuen tantienquio icsho mibi cuidtsiambique. Ubi tantiaquiota.