Ducas 12:31 - El Nuevo Testamento en matsés

³¹ Adembidi: Nuquin Papan namiacno tabadtequid nebi, quequin aid tantiata. Aden tantiaquid icquin abi chuisho mitsana mibi bedmendac.

Ducas 12:31 ပူးပေါင်းရင်းမြစ်များ

Mateo 6:33

Adembidi: Nuquin Papan namiacno tabadtequid nebi, quequin tantiaquin aidën chiacpaden naic tabadta. Aden abi tantiaquid icquin abi chuisho mibi bedmendac.

Ducas 10:42

Adquid icnuc abentsëc nac bëdambo ictsiash. Adombuen min chibi Madian naquin bëdambocquidquio tantiasho utsibon: Padi, cac icsambo ictsiash, quepanëdash Esus.

Ducas 12:30

Nuquin Papa tantiesaboen abi bunaiduidi tantiec tabadeque. Mibitedishun naden tantiata. Nuquin Papan umbi: Cuna nibëdec, quequin tantiaidtedi ambia tantiaquid icquin umbi petequid yec actequid yec dasiuidte yec ushtequid yec quenuc ubi icmeshunec, quequin tantiec tabadta.

Uanën dada uaid 6:27

Peteuidtsëqui tantiaquin pete bednuen naquidquio mibi nec. Aidquio chodquetequid neque. Chodquetiapimbo icquid tantiaquin bëdambuen nata. Aden nash Nuquin Papabëd ënëdenquio yec tabadtequid mibi yantsiandac. Nuquin Papan: Umbi chomiaidquio yec Matsesën Tishaid neque. Ismenu, quequin Aidën namiacpadombuen mibi ismequin nadatiambocquin nabanombi, quepondash Esus.

Doma 8:31

Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Timoteo 1 4:8

Aton dada uidënquio icmenuec titinquetannequid matses nec. Adacbimbuec Esus tantiaquido uidënquio yec bëdambo icnuec ¿mitsipadquio icpec? Nuquin Papa tantiaquiec Ambi Chiaid niaquenquio yec bëdambuec tabadquid nec. Adquid uënësash Nuquin Papa yacno abuc nidash bëdamboshë icquid iquendac.

Ebedeo 13:5

Adecbidi piucquid dadpen bedteuidi bunec tabadenda. Adenquio iquec: Cuna icnuc bëdambo iquebi, Adecbidi cuna daëdpactsëc icnuc bëdambo iquebi, quec tabadta. Adec tabadquin Nuquin Papan ënden naden chuiquin dada uamiampid tantiata. Mibëd iquendabi. Mibi nianenquio icquin dayun uaimbi, quepampic.