Ducas 12:24 - El Nuevo Testamento en matsés

²⁴ Uicchunën ambi cute ëshë siac bacuëacsho chenquio iquec. Adecbidi ambi pete dayun uatequid shubumpi nibëdec. Adquid icshobi Nuquin Papan aton pete bedmec. ¿Aden uicchun bëdiactsëc tantiaquimbi matses tantiaquidquio icquin mibitedi pete bedmenquioda icpadic? Adquid icquin Nuquin Papan mibi nashunquin min pete icmeque. Natiec tabadenda.

Ducas 12:24 ပူးပေါင်းရင်းမြစ်များ

Mateo 10:31

Aden min manëdaid tambanquid icquin uicchun bëdiactsëc tantiaquimbi mibitedi cumapenen tantiec, quequin chuipondash Esusën.

Mateo 3:12

Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo icsho ënëdenquio yec chian annëdënquequid Nuquin Papan nësecaindac. Adoshombic abi tantiaquidotedi abi yacno puduedmendac, quepanëdash Uan acten mentoanquid.

Mateo 6:26

Uicchun mimbi abuc capusho isaidën ambi cute ëshë siac bacuëacsho chenquio iquec. Adecbidi ambi pete dayun uatequid shubumpi nibëdec. Adquid icshobi Nuquin Papan aton pete bedmec. ¿Aden uicchun bëdiactsëc tantiaquimbi matses tantiaquidquio icquin mibitedi pete bedmenquioda icpadic? Adquid icquin Nuquin Papan mibi nashunquin min pete icmeque. Natiec tabadenda.

Madcos 6:26

Adsho tantiash Uan tantiec Edodes uënësquio icpanëdash. Adec uënësquiocquimbi ambi chuibued niacte bunquimbi niactiapimbo icpanëdash. Umbi chochomiaidon: Mibi muambo nec, canushe, quetanquin:

Ducas 12:18

Adashic: Naden naimbi. Cun pete dayun uate shubu shënitedi chic chicshun aidtedi nuamboshëcnuc shubu uaimbi. Aden shubu uashun aidën cun pete abitedi sauedshun cuna utsitedi dayun uaimbi.

Ducas 12:23

Bëdambuec tabadnu, quequin peteuidi tantienda. Adembidi dashcute dasiuidteuidi tantienda.

Ducas 12:7

Adembidi min manëdaid abitedimbo Nuquin Papan tambanaidquio nec. Aden min manëdaid tambanquid icquin uicchun bëdiactsëc tantiaquimbi mibitedien cumapenen tantieque. Dacuëdec tabadenda.