Ducas 12:19 - El Nuevo Testamento en matsés

¹⁹ Adashic abibi onquec: Cun pete dadpenquio icquid baded naimëdenquio iquec. Ad icnuc chonoadenquio yec iuec tabadquin cuishonquequin peshun aquembi, quec atona dadpen icquid onqueposh.

Ducas 12:19 ပူးပေါင်းရင်းမြစ်များ

Ducas 12:18

Adashic: Naden naimbi. Cun pete dayun uate shubu shënitedi chic chicshun aidtedi nuamboshëcnuc shubu uaimbi. Aden shubu uashun aidën cun pete abitedi sauedshun cuna utsitedi dayun uaimbi.

Ducas 16:19

Adshumbic utsi chiacbimbuen Esusën naden chuipanëdash: Dada atona dadpen icquid dashcute bëdaidquio dasiuidquidën badiadquidën badiadquidënquien utsibo dadpen chochomeshun nua pemeshun acmededneposh.

Ducas 21:34

Adembidi chuinu. Tantiata. Nëishën: Nëbi ubi sec, quequin tantienquio yec capusho badedquio siac cuentiapimbo yec uënësendac. Adecbidi: Natiate uëshë choec, quequin tantienquio yec tabadquin badiadquidën badiadquidënquien acte paë uaid actednepec. Adecbidi atona bednuec abi bunaiduidi tantiec tabadpec. Aden nabanec tabadnubi ¿Nëbida Nuquin Papan matses abitedimbo cuidte uëshë chopeba? Aid choec, quequin tantiaquin caimbudec bëdambuec tabadta.

Codinto 1 15:32

Epeso yacnoshon chuibansho chieshënquin ubitedi bëdi tëbuchoquidën icsa uatsenondashi. ¿Ambembi chuibanquidtabi nedi? Adquid icquin chuiquin ëntsenondambi. Adecbidi uincuente nibëdnuc matsesën chiacpaden: Badiadash uënësash nibëdquiec iquebi, quequin tantiaquin nua peshun nua acte paë uaid aquembi, quequin chuitsenombi.

Pidipos 3:19

Aidotedi cumapenec mëyadtequid yacno chian annëdënquiacno nidmequin cuidendac. Peteuidtsëqui tantiec icsambo icquin ambi natemaid naic: Bëdambo iquebi, quec tabadec. Aido: Icsambuen naquido nebi, quiash dacuëdtiadquidi Nuquin Papa tantienquio icquin nidaidën icquiduidtsëqui tantiec tabadec.

Timoteo 1 5:6

Niante utsimbien abi bunaiduidi naic. Adquidën uënësacbimbuecquin Nuquin Papa tantienquio iquec. Adquid Esus tantiaquidon nashunenquio iquec.

Timoteo 1 6:17

Atona dadpen dayun uaquido naden chuita, mado. Cuna dadpenquioshë icnuc ubiuidtsëqui bëdambo iquebi, quenda. Nibëdantiapimbo icquid danquin mimbi dayun uaiduidtsëqui tantienda. Nuquin Papambo tantiaquiota. Aidëmbi matses bëdambo icmenuen atona dadpen bedmec, quequin chuita.

Timoteo 2 3:4

Nëidic bëdambocquid danmianashi mua uanquido. Nëidic bëdambuen tantienquio icquin ambi natemaid naquido. Nëidic: Ubiuidtsëqui bëdambo iquec, quec abibi datantiadquido. Nëidic ambi naiduidi bunquin Nuquin Papa tantiesabo.

Santiaco 5:5

Aido bunec nëid nidaidën tabadnubi mibitedi piucquid dadpen menequin bëdaidquio bedbanec tabadec. Adecbidi nua piash nëish iua nua tsënënacsho cuessunnete yanacbimbuec abi cuidtequid uëshë yanendac.

Petedo 1 4:3

Ënden Nuquin Papa tantiesabon nacpaden Nuquin Papan Chiaid niacniaquec mibitedi icsambuen naic iuec tabadpanëdac. Adec icsateuidi bunec mëmuntiapimbo mibitedi icpanëdac. Adquid icquin utsin chido chudquid dada icnubi chido aton bënëpenquio chudmequid icpanëdash. Badiadquidën badiadquidënquien nua peshun tantiadennuen acte paë uaid acquid mibi icpanëdac. Nëid papa canu, quequin matsesbimbuecnuc nacnenshun mimbi tantiapanëdac.

Esusën Uan ismiaid 18:7

Babidonia yacnocquido mëyadec natianuc cumapenen cuidquiendambi. Ambi naiduidi naquin atona dadpenquio bedash aidtedi dayunuaic nadec onquec: Ubiuidtsëqui chuiquid tapa yec bëdambo iquebi, quepec cuidte tantienquio iquequi. Adquid iquec otacquio tantiec: Cun iuabo matses dadpen icnuc bëdambo iquebi. Niantepenquio nebi. Adquid iquec mëyadenquio iquebi, quepec chido chuiquid tapa onquiacbimbuec.