Ducas 11:42 - El Nuevo Testamento en matsés

⁴² Aden chiashic Esus nadpanëdash: Nuquin Papan chiacpaden naimbi, queshun min tiedën canitsëcquid utsi utsien 10ted icnuc tambanquin sanshun abentsëc bedtednequin Nuquin Papa mimbi menedednepec. Aden nabanquid icquimbi Nuquin Papan Chiaid utsi tantienquio icquin bëdambuec tabadenquio icquin matses bëdambuen tantienquiocquid mibi nec. Ambi chiacpadombuen Nuquin Papa menequid icquimbi Ambi Chiaid utsi abitedi natiadquidi ma mimbi nainquio icpaboc. Adesa icsho Nuquin Papan cuidtequidombo mibitedi nendac.

Ducas 11:42 ပူးပေါင်းရင်းမြစ်များ

Mateo 23:13

Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.

Mateo 23:23

Moisesën chiampid tantiamequidobëd padiseobo bëdambocquid danmianquido yec icsamboquido icsho Nuquin Papan cuidtequidombo mibitedi nendac. Nuquin Papan Chiaid abentsëqui tantiactsëcquin min tiedën icquid menta caid yec anis caid yec comino caid yec quequin bedshun 10ted icnuc tambanquin sanshun abentsëc bedtednequin Nuquin Papa mimbi menepec. Aden menequid icquimbi mimbi Nuquin Papan Chiaid utsi dadpen niacpec. Chieshëmënquid icbuedi: Umbi icsambuen naid tantienquio yec bëshunta, quequin chiaqui mibi bëshuntiapimbo iquec. Adembidi bëdambocquidi mua uaquin mimbi cuidte chuiquid icsambuen cuidmec. Nuquin Papa tantienquio icquin ambi chiacpadombuen min tiedën caniquid pistsëc musucshun menequid icquimbi Ambi Chiaid utsi abitedi natiadquidi ma mimbi nainquio icpaboc.

Mateo 23:27

Moisesën chiampid tantiamequidobëd padiseobo, bëdambocquid danmianquido yec icsambocquido icsho Nuquin Papan cuidtequidombo mibitedi nendac. Adquid yec nadacbimbuec mibitedi iqueque. Tantia. Chuinu. Utsibo: Bëdambuec tabadquido nec, cameteuidi bunsho issun Nuquin Papan mibitedi cuidendac. Nadacbimbuec mibitedi iquec. Uënësaido chococacno bëdambuen nacnenac bëdambo isadec ënden pisenambi.

Ducas 18:12

Adembidi chonoadtemaid uëshë utsi choabicnuc daëdec ushquin mibi tantiaquin buna mëmundednembi. Adembidi umbi bedaid 10ted icnuc tambanquin abentsëc sanshun mibi menedednembi, Papa, quequin padiseobon chuiposh.

Uanën dada uaid 5:42

Ubi tantienquio icsho issun: Nuquin Papa tantiesabo nec, quequin mibitedi tantiembi.

Uan 1 4:20

Utsi nadpec: Nuquin Papa tantiaquid nebi, quepec. Adquid icquimbi abëtan Esus tantiaquid utsi ambi isaidquio chieshënquid yec muaquidquio nendac. Aden ambi isaidquio tantienquiocquid iquec ambi isacmaidquio Nuquin Papa tantienquiocquidbidi nendac.