Ducas 11:41 - El Nuevo Testamento en matsés

⁴¹ Atona nibëdquid tantiaquin menededneta. Aden mimbi menedednesho issun Nuquin Papan mibi bëdambuen isendac, quepanëdash Esus.

Ducas 11:41 ပူးပေါင်းရင်းမြစ်များ

Mateo 26:11

Piucquid nibëdquido dadpen mibëd tabadec nibëdenquio iquendac. Ubien mibëd icbuedi nëbi nibëdquio yanendac.

Mateo 5:42

Utsibic: Mitsana bec cho, quesho meneta. Utsibic: Mitsana buanshun bëuaindambi, quesho cudasënenquio icquin meneta, quepanëdash Esus.

Madcos 7:19

¿Aton tantiate yacnoda pete piaid nidpadic? Padenquio. Pete piaidien pucu yacno budbudec. Adashic iuecpactsëc yash aton dadanouësh puduenuaic. Adquid icnuc pete abitedi bëdambocquid nec, quepanëdash.

Ducas 12:33

Ambo nidabi icquin mitsana menebanquin min piucquid bedshun atona nibëdquido menebanta. Aden utsi tantiaquin mimbi nabannuc Nuquin Papan abi yacnoshon menetequid mitsana chodquetiapimbocquid yec ampen bedshuntiapimbocquid yec macumpin udquin icsa uatiapimbocquid yec quec iquendac.

Ducas 16:9

Adquid icnuc ubëd icquido icsho: Aden nata, quequin mibitedi chuinu. Min piucquid utsibo nashunquin bëdambuen tantiaquin menebanta. Aden mimbi uesadtequid icshobi meniannequid yec uënësacsho Nuquin Papan abi yacno mibitedi bëdambuen isquin ënëdenquiocnoc abëdi tabadmendac, quepanëdash Esus.

Ducas 18:22

Aden chuisho tantiashun: Abentsëc mimbi nabicquid iqueque. Mimbi dayun uaidtedi uesquin menequin piucquid bedta. Aden piucquid bedshun atona nibëdquido mitsana uesquin menebanta. Adosho issun abëd tabadmenun Nuquin Papan mibi bëdambuen istsiashe. Adota. Adotanec ubëd iquec cho, capanëdash Esusën.

Ducas 19:8

Adnubien aton shubu nuntanuësh nidtoash Saqueo: Tantia. Chuinu, Icbo. Nëbi cuna tedbidi bedquin atona nibëdquido tedbidi menebanembi. Adoshombic cun matses: Cuna mimbi ampioc, quesho tantiashun umbi ampiaidbëta daëd daëdquiecnuc daëd uashun icbo menebanuaimbi, quepanëdash Saqueo Esus chiec.

Hechos 10:15

Adoaquien padpidec abucuësh onquec: Nuquin Papan bëdambo icmiaidi icsambocquid nec, cainda, quepanëdash.

Hechos 11:29

Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Hechos 24:17

Adequi seta dadpen matanmec nidaid utsi utsiec yacno capucuennec tabadcuennequin: Edusaden yacnocquid isadaidbo bunec tabadec, quesho tantiash piucquid menenuec chopobi. Adembidi: Nuquin Papan bëdambuen dayun uabennioshi, quequin Nuquin Papa ismequin piucquid nibëdquido meneuanuec chopobi.

Codinto 2 8:12

Atona daëdpactsëc icquidën menete bunquioquin menesho isash: Bëdambo iquec, caindac Nuquin Papan. Dadpen meneta, quenquio Nuquin Papa iquec.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.

Tito 1:15

Bëdambuen tantiaquid yec bëdambuec tabadquin nabanquid nendac. Icsambuen tantiaquidien bëdambuen nate tantienquio icquin Nuquin Papa tantiesabo nendac. Icsambo iquec, quenquio icquin icsambuenuidi nate bunquin aiduidi tantiaquid nendac.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.