Ducas 11:39 - El Nuevo Testamento en matsés

³⁹ Adoaquien aidën otacquio tantiaid tantiaquidquio icquin tantiash Esus nadpanëdash: Mibi padquidobëtan mimbi naden naic. Padapadaidbëta dëshote chieshquin cachocuidtsëqui dapanshun anauc ampanambo icquidi ampanaid danmianacbimbuec mibitedi bëdambuec tabadquid danmianquiec ampeteuidi bunquido yec icsamboshëcquido mibitedi nec.

Ducas 11:39 ပူးပေါင်းရင်းမြစ်များ

Mateo 15:19

Nëidic icsambuen tantiaquido. Nëidic cuessunnianquido. Nëidic aton chidopenquio chudquido. Nëidic aton bënëpenquio chudmequido. Nëidic ambi natemaidi naic chudnanquido. Nëidic ampequido. Nëidic mua uanquido. Nëidic icsambuec chuishumënquido.

Mateo 7:15

Adshumbic abi macuësh tapa poctse tsadquin naden Esusën chuipanëdash: Utsibo: Nuquin Papan Chiaidquio chuibanquid nebi, quec bëdambocquid danmianec muaquidombo iquendac. Adquido choshon Nuquin Papan Chiaid niac niacmequin mibitedi icsamete bunendac. Aido bëdi dapa nëish iua pete bunquiacbimbuec mibitedi icsamete bunquieque. Icsamenda.

Ducas 16:15

Adec tabadsho issun Esusën: Bëdambuen nacbimbuen ismequido mibitedi icsho mimbi ompoquin naidtedi Nuquin Papan tantiec. Adembidi: Bëdambuen naquidquio nec, quequin matsesën isaidi Nuquin Papan bëdambuen istiapimbo iquec, quepanëdash Esus.

Ducas 7:13

Adec choec niante shubisho isash uënësquio icquin Esusën: Shubienquio yec ënëd, capanëdash.

Ducas 7:19

Esus yacno nidshun nadota: ¿Ubitedishun cainaid Nuquin Papan Chomiaidquiobida ne? cac: Padenquio, quesho: ¿Utsidambi caimpe? quequin chuitan, Uanën cac aid daëdi Esus yacno nidpanëdash.

Uanën dada uaid 12:6

Aden chuisho tantiashun aton piucquid nibëdquido tantiaquidquio dampondambi. Ubitedishun piucquid dayun uaquid iquequi abibi ampeshumënquid icquimbi aden Udasën muaquin Madia chushcapondash.

Uanën dada uaid 13:2

Adnubien Simon Iscadioten mado Udas Mayan Icsan Satanasën tantiamiacpadombuen ambi Esus bedmete tantiec tsadpanëdash.

Hechos 5:3

Adnubien Petedon Nuquin Papan Mayan Bëdan tantiamiac naden Ananias chuipanëdash: Mayan Icsa Satanasën tantiamiaid icquin ¿Mitsipaden tantiaquin Nuquin Papan Mayan Bëdan isnubi muaquin abitedi meniacbimbuen ubi musuc menequin nai?

Cadasia 1:14

Nuquin Papa tantiate bunquimbi cun matsesën chiaid abitedimbo tantiaquin naquidquio icpadennebi. Ubëta tishaid caniabon bëdiactsëc tantiaquin nanubi ubimbo cun tsusedpabon chiaiduidi tantiaquin nate bumpadennebi.

Timoteo 2 3:5

Nëidic: Nuquin Papa tantiaquid nebi, quec muaquin aidën chiaid niac niacquido. Adquidtedi: Icsambuen naic tabadquido neque. Adquidobëd onquec tabadenda, caimbi.

Tito 1:15

Bëdambuen tantiaquid yec bëdambuec tabadquin nabanquid nendac. Icsambuen tantiaquidien bëdambuen nate tantienquio icquin Nuquin Papa tantiesabo nendac. Icsambo iquec, quenquio icquin icsambuenuidi nate bunquin aiduidi tantiaquid nendac.

Santiaco 4:8

Nuquin Papan dayunquio tsadacbimbuecquid icta. Adsho isash Nuquin Papa mibëd iquendac. Min mëdanten icquid bëchish ucacbimbuen icsambuen naid ënta. Nuquin Papa tantiaquid nebi, queshumbi Nuquin Papa tantiesan nacpadombuen nainquio icquin Nuquin Papan chiacpadombuen nabanquid icta.