Ducas 11:36 - El Nuevo Testamento en matsés

³⁶ Min tantiate bëdambocquid icquin bëdambuen nabanec tabadec tabote taboac chënquiacbimbuec icsho isash: Nuquin Papan chiacpadec tabadquid aid nec, quequin utsibon mibi isendac, quepanëdash Esus.

Ducas 11:36 ပူးပေါင်းရင်းမြစ်များ

Mateo 13:52

Adsho tantiashun Esusën ubitedi naden chuipondash: Nuquin Papan Chiampid tantiamequid utsibo chuiquin: Nuquin Papan namiacno tabadtequid iquec, quequin tantiaquid yanshun naden chiendac: Matsesën atona ëndenquimbo ambi dayun uanëdaidbëta nëbi chuca icquid ismequin utsi utsien chicacbimbuen chiendac. Nuquin Papan Chiaid ëndenquimbo dada uampidbëtabi Nuquin Papan Chiaid chuca umbi chuibambuedquio mibitedishun chuibanendac, quepondash Esus.

Mateo 5:15

Tabote taboshon matsun bëtashquin ¿dectanaidta icpadic? Padenquio. Ma shubu nuntan icquid abitedishun isnu, queshumbien tabote taboshon nënantanquio abuc dectanquid.

Ducas 11:35

Bëdambuen tantiec tabadbuedi: Icsambuec tabadmane, queshun abimbo tantiata.

Ducas 11:37

Aden Esusën chuibanquin nainshobien padiseobo abentsëcshun: Cun shubu yacno pec cho, capanëdash. Adoac aidbëdi nidec puduedash pete tabëcte dayunquio Esus tsadtuidpanëdash.

Codinto 2 4:6

Taëecquiobi ëndenquimboshë: Inchëshquio icbuedi uëshëmbo yanta, capampic Nuquin Papan. Adombuembidi Nuquin Papan Chiaid pamumëdacbimbuen tantienquiocbuedi Nuquin Papan tantiamiaido nebi. Esuquidistu aton Papapadquidquio bëdamboshëcquid nec, quequin tantiaquin utsibo chuibanquido nebi.

Epeso 4:14

Adec tabadquido yec bacuëmpin utsi utsien tantiacpaden tantiaquidpenquio nuqui nendac. Cunquequidën ëquë ëquëen tsidunacbimbuen muaquidon utsi utsien chuibansho tantiash badedquio: Abimbo caic, quec mua uadec. Aido icsambuen tantiaquido icquin chuisho tantienquio iquendac.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Ebedeo 5:14

Padnuen caniaidën petembo piacbimbuen bëdambuen tantiendac. Adquidën: Naden nac bëdambo ictsiash. Naden nac icsambo ictsiash, quequin tantiaquidquio nendac.

Santiaco 1:25

Padnuen Nuquin Papan Chiaid tantiashun bëshunenquio icquin tantiaquidën aidën chiacpadombuen nabanendac. Nuquin Papan Chiaid icsa nibëdquid yec bëdamboshëcquid nec. Ubi cuidmenquiocte chiaid nec, queshun tantiaquin nabanquid yec Nuquin Papan bëdambo icmiaid iquendac.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.