Ducas 11:35 - El Nuevo Testamento en matsés

³⁵ Bëdambuen tantiec tabadbuedi: Icsambuec tabadmane, queshun abimbo tantiata.

Ducas 11:35 ပူးပေါင်းရင်းမြစ်များ

Mateo 6:22

Adshumbic abi macuësh tapa poctse tsadquin utsitsen Esusën naden chuiuapanëdash: Min tantiaten bëdambuen tantiaquin Nuquin Papa tantiaquiec mitsanauidi tantienquio yec mibi bëdambuec tabadendac.

Ducas 11:34

Adoaidbimbuec min tantiate iquec. Min tantiaten bëdambuen tantiaquid icquin bëdambuen nabanec mibi bëdambuec tabadendac. Pamumëdacbimbuen min tantiaten icsambuen tantiaquid yec bëdambuec tabadtiapimbo mibi iquendac.

Ducas 11:36

Min tantiate bëdambocquid icquin bëdambuen nabanec tabadec tabote taboac chënquiacbimbuec icsho isash: Nuquin Papan chiacpadec tabadquid aid nec, quequin utsibon mibi isendac, quepanëdash Esus.

Doma 1:22

Dadpen tantiaquid nebi, quequidobi tantienquiocquid nec.

Petedo 2 1:9

Aden umbi chuibocpadombuen naisa yec pamumëdacbimbuec iquec. Adquido icquin ambi icsambuen naid ënshun tantiabenacsho icsaisabimbuecnuc Nuquin Papan nuqui bëdambuen isec, quebuedëmbi aid tantienquio yanec bëshunash tantiesa yanuaindac.

Petedo 2 2:18

Adec muaquido bëdambuec onquiacbimbuec ambembi chiec onquec. Utsin chiaid tantienquio icquin ambi tantiaiduidi naden chiec: Mibi bunacpaden mimbitsen: Nata, cac Esus tantiactsëcquin Nuquin Papan Chiaid naquin ambi icsambuen naid ënuidbuedi padpidembuec icsaindac. Aton chidopenquio isec chudte bunquin ambi icsambuen naid ënte bunenquio iquec. Chido dada utsi chudmete bunquid chudmequin icsambuen namec. Adquidotedi Nuquin Papan cuidtequidombo nec.

Esusën Uan ismiaid 3:17

Nuquin Papan Chiaid niac niaquec icsambocquid nechitebi, quetiadquidi: Cuna dadpen bedshun umbi dayun uaid icnuc utsi bunenquio yec bëdambo iquebi, mibi quepoc. Adsho umbi isac piucquid nibëdnuc dashcute dasiuidenquiocquid yacbimbuec icsambo mibi iquec. Esus tantienquio yec Nuquin Papabëd tabadtiapimbo icchitebi, quetiadquidi mibi adenquio iccoc. Bëchish ucambo yacbimbuen mimbi icsambuen naid ënenquio icsho mibi bëdambuen istiapimbo iquebi. Pacuënnëdacbimbuen ubi tantienquio icquido yec mibi dashcute dasiuidenquio yacbimbuec iquec.