Ducas 11:29 - El Nuevo Testamento en matsés

²⁹ Adnubien abi yacno chochoash matses dadpen datsidadcuededsho issun Esusën nadopanëdash: Nëid nidaidën nëbi tabadquido icsamboshëcquido nec. Adquido icquimbi: Nadatiambocquin nabanquin ubi isme, mibi quepec. Adsho nëbi ismenquio icquin Nuquin Papan ambi oncamiaid nuquin tsusedpa Onas nampicpadombuen naquin abentsen ismendambi.

Ducas 11:29 ပူးပေါင်းရင်းမြစ်များ

Mateo 3:7

Adnubien padiseobobëd saduseobo Uanën acten mentosho isec chochopanëdash. Aido chochosho issun Uanën: Nisibimbuecquido yec mibitedi icsambocquido nec. Adquid icsho ¿tsuntsin: Nuquin Papan natiamequin cuidte anuenaneque. Tantiatan, quequin chiac chocho?

Madcos 8:38

Esus tantiaquid yec ambi chiaid tantiaquid nebi, quequid icquimbi ubi tantiesabo icsambuec tabadquido dacuëdënquin ubi caic: Aid tantiaquid nebi, catiapimbocquid icsho isash nadendabi. Matsesën Tishaid icshobi Nuquin Papa nadatiambocquidquio icquin abitedishun Icbombo icmiac Cun Pabëd icquido bëdamboshëcquidobëd choshon nidaidënshun umbitsen: Nëid ubi tantiaquid nec, cauatiapimbo iquendabi, quepanëdash Esus.

Ducas 11:16

Adnubien iccuededquid utsibon: Icsambuen namenuna, quequin naden Esus chuipanëdash: Nuquin Papan Chomiaid icquin Aidën namiac nadatiambocquin nabanquin ubi isme, capanëdash.

Ducas 11:50

Aden min tsusedpabo Nuquin Papan oncamiaidon chuisho tantiesa icquin aido intac mëyanmequin cuessunnepampic. Min tsusedpabopadquid nëbi icquidobëtan Nuquin Papan Chomiaidquio tantiesambo mibitedi nec. Adquido icsho Nuquin Papan matses cuidte uëshëmbi ambi ënden mëyanampidobëta nëbi cuessunnianquidobimbuecsho mibitedi cuidendac.

Ducas 12:1

Aden padiseobon: Esus cuidnuen icsambuen chuimenuna, quequin tantianubien matses dadpenquioshë Esus yacno chochoash tsucus tsucustsëcquio yec tatincancuededtsëcquiec iccuededpanëdash. Adec matses tabadnubien abëd icquido Esusën nadopanëdash: Padiseobo bëdambuec tabadquid danmianquid yec pan bidiscametebimbuecquido neque. Aidon muaquin chuisho tantienda.

Ducas 9:41

Adoaquien ambi nianaidobëta abëd icquido caic Esus nadpanëdash: Nadatiambocquid Nuquin Papa nec, quequin tantiesa mibitedi nec. ¿Tedectsicshun umbi chiacpaden mimbi tantiabempe? Mibitedishun tantienquiocsho isash ¿tedectsiashini chieshtope? quetanquin: Min mado bec cho, capanëdash Esusën.

Uanën dada uaid 2:18

Aden nicasho issumbien isadaidbon chuiquidon: ¿Tsuntsin chiac nai? Nuquin Papan Chomiaid icquin naombi, quequin nadatiambocquin nabanquin ubi isme, caquien

Uanën dada uaid 6:30

Adoaquien: Ma ubi tantiaquiono, queshun ¿atotsi utsi nadatiambocquin nabanquin ubi mimbi ismepatsia?

Uanën dada uaid 8:44

Min papabimbuecquid Mayan Icsa Satanas nec. Aid bunacpadenuidi nate bunquid yec aidën mado mibitedi nec. Ëndenquimboshë Nuquin Papan tauambuen matses uambi Mayan Icsa Satanas cuessunnianquidquio yampampic. Adquid iquec Nuquin Papan chiacpadombuen namenquio yec chieshëmënec cumapenec muaquidquio nec. Aton padibi icquid yec bëdambuen chuimenquio icquin matses muamequidquio nec.

Codinto 1 1:22

Adquidon aden tantianubi isadaidbon nadatiambocquin nabanshouidtsëqui iste bunquin tantiauidec. Quidieco matsesien: Dadpenquio tantiaquidon chuibansho tantianu, quequinuidtsëqui tantiaquido nec.