Ducas 11:15 - El Nuevo Testamento en matsés

¹⁵ utsi utsiec: Bedsebu caid podobitsi icsan icbon namiaid icquimbien Esusën podobitsi icsa dapuduenmequin nachitec, quepanëdash.

Ducas 11:15 ပူးပေါင်းရင်းမြစ်များ

Mateo 10:25

Tantiamiac tantiabenash abi tantiamequidbimbuec icac bëdambo ictsiash. Adecbidi iua aton icbobimbuecbidi icac bëdambo icuatsiash. Aden umbi chiacpadombuen nate bunquid icsho mibitsen icsambuen chuishunquin chieshënendac. Ma podobitsi icsan icbo Bedsebu caid neyoc ¿cainquiodabi ictiosh? Adembidi mibitsen chieshënendac, quequin chuipondash Esusën ubitedi chuiquin.

Mateo 12:22

Adnubien: Ma Esusën bëdanmenu, queshun bëshuash onquesa bëpondash. Aidi podobitsi icsa dapuduedshun bëshu uain eme uaid yec onquesa nepanëdash. Adquid icshobien Esusën podobitsi icsa dapuduenmepondash. Adoac isbenequi onquiampondash.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 9:34

Adnubien padiseobo: Podobitsi icsabon icbon namiaid icquimbien Esusën podobitsi icsa dapuduenmequin nachitec, quecuededpondash Esus caic.

Uanën dada uaid 10:20

Aido dadpen: Mayan Icsa Satanasën iua podobitsi icsa dapuduedash tantienquio yec onquequid nec. ¿Atotsi quequin aid tantiashune? quenubien

Uanën dada uaid 7:20

Adsho tantiashumbien ambo tabadquidon: Mayan Icsa Satanasën iua podobitsi icsa dapuduedashien mibi adec onquec nec. ¿Tsutsi mibi cuessunnete bumpec? capondash.

Uanën dada uaid 8:48

Aden Esusën chuisho tantiashumbien cun matses isadaidbon chuiquidon naden chuipondash: Ma mibi Mayan Icsa Satanasën iua dapuduedash neyoc. Samadia yacnocquidobimbuec icsamboshë ma mibi iqueyoc, quequin ubitedishun abimbo caimbi, capondash.

Uanën dada uaid 8:52

Adsho tantiashun isadaidbon chuiquidon naden chuiuapondash: Nëbi Mayan Icsa Satanasën iua dapuduedash mibi nec, quequin abimbobi tantiaquiembi. Umbi chiacpadombuen naquid uënësenquio ictsiash, quequimbien mimbi chuipec. Adquid icnubi Nuquin tsusedpa Abadauan yec Nuquin Papan oncamiaido yec quequidtedi uënësbudnepampic.