Ducas 10:21 - El Nuevo Testamento en matsés

²¹ Aden chuibanashic Nuquin Papan Mayan Bëdan tantiamiacpadec cuishonquec Esus nadpanëdash: Mibi bëdamboshë iquec, Papa. Mibi abuc icquidtedishun Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi cumapenen tantiaquid nebi, quequidombi tantienquio iquec. Bacuën daëdpactsëc tantiacbimbuen tantiaquid icshobi mimbi utsibo tantiamiabi yaid tantiamioc. Aden mibi bunacpadombuen naic mibi bëdamboshë iquec, Papa, quepanëdash Esus.

Ducas 10:21 ပူးပေါင်းရင်းမြစ်များ

Mateo 16:17

Adsho tantiashun Esusën: Nuquin Papan bëdambuen tantiamiac aden mimbi bëdambuen chioc, Simon. Onasën mado Simon caid yec matses mibi nec. Adquid icquimbi matsesën tantiaid chienquio icquin abucshun Cun Pan tantiamiaidquio icquin mimbi abimbo chioc.

Mateo 21:16

Adshumbic: Icsambo iquec, queshun Esus chuituidec: ¿Ada bacuëbo cuëdënsho tantie? caquien: Ai, tantiembi. ¿Nuquin Papan Chiampid isamboda ictio? Adec bacuëbo cuëdënte naden chuipampic: Nuquin Papan oncamiac bacuë shuma chishquidon aton bacuë utsibobëtan: Nuquin Papa bëdambo iquec, cabededendac, quequin chuipampic, quepondash Esus.

Mateo 3:7

Adnubien padiseobobëd saduseobo Uanën acten mentosho isec chochopanëdash. Aido chochosho issun Uanën: Nisibimbuecquido yec mibitedi icsambocquido nec. Adquid icsho ¿tsuntsin: Nuquin Papan natiamequin cuidte anuenaneque. Tantiatan, quequin chiac chocho?

Madcos 10:15

Abimbo chiembique. Tantia. Nëid bacuën amë badedquio tantiacpadombuen Nuquin Papan Chiaid tantiesa yec Nuquin Papan namiacno puduedtiapimbo iquendac, quepanëdash Esus.

Ducas 15:5

Aidi nibënquin istuidash: Cun obeca istuidbosh bëdambo iquebi, queshun chiadquin icbon bëec.

Ducas 15:9

Aden nibënquin istuidshun abëd nashunnanquidobëta aton shubu anoentsëc icquido chomeshun chiec: Cun piucquid tsasicquid abentsëc paëdacbuedi iuen nibënquin istuidash bëdambo iquebique. Ubëdi cuishonquec cho, queposh chido.

Uanën dada uaid 11:41

Aden chuitanquin: Baded bëcunne, cac cuënote dapan shëcuë bëtinaid shëcnequin bëcunnepondash. Adsho istanquimbien Esusën abuc isquin: Papa, mibi bëdambo iquec. Umbi nëbi chuisho mimbi tantiec.

Codinto 2 4:3

Esuquidistu chuibansho utsin utsinquien pamunacbimbuen tantiatiapimbo iquec. Adquido Nuquin Papabëd tabadtiapimbo iquendac.

Epeso 1:11

Nuquin Papa ambi tantiampicpadombuen naquidquio nec. Ëndenquimbo abitedi uabi yequi Nuquin Papa nadpampic: Umbi tantiaidtedishun Esuquidistu tantiaquid icsho: Ubëdi tabadmenuen: Cun matses nec, caindambi, quepampic.

Epeso 1:5

abi bunacpadombuen Nuquin Papan Esuquidistu uidtsëqui tantiaquido icsho ambi chiampicpadombuen nuquitedi: Cun bacuëbo icmendambi, abi quiampicpadombuen nëbi adobanec.